వావ్, 3 గంటల్లోనే మర్డర్ కేస్ సాల్వ్ చేసిన ముంబై పోలీస్..!
TeluguStop.com
ఈరోజులో పోలీస్ అధికారులు( Police Officers ) మర్డర్ రేప్ కేసులను కొన్ని గంటల వ్యవధిలోనే ఛేదిస్తున్నారు.
నేరస్తులపై త్వరితగతిన కేసు నమోదు చేసి, కోర్టులో హాజరు పరిచి, వారికి తగిన శిక్షలు పడేలాగా చేస్తున్నారు.
అలాగే బాధిత కుటుంబ సభ్యులకు న్యాయం చేస్తున్నారు.తాజాగా నావి ముంబై( Mumbai )లో ఒక మర్డర్ కేసును పోలీసులు కేవలం మూడు గంటల్లోనే సాల్వ్ చేశారు.
వివరాల్లోకి వెళ్తే, ఇటీవల మహారాష్ట్ర, ఉరన్‌ అనే తీర పట్టణంలోని జసాయి అనే ప్రాంతంలో రోడ్డు పక్కన ఓ చెత్త బుట్ట దగ్గర తెల్లని సంచి కనిపించింది.
దాన్ని గమనించిన ఒక వ్యక్తి వెంటనే పోలీసులకు సమాచారం ఇచ్చాడు.పోలీసులు వెళ్లి చూడగా, ఆ సంచిలో ఒక మృతదేహం ఉందని తెలిసింది.
మృతుడిని దత్తాత్రేయ దుతుకడే (40)గా పోలీసులు గుర్తించారు.ఆయన ఉరన్‌లోని ఒక ట్రాన్స్‌పోర్ట్ కంపెనీలో డ్రైవర్‌గా పనిచేసేవాడు.
"""/" /
ఈ కేసును పోలీసులు చాలా త్వరగా పరిష్కరించారు.కేవలం మూడు గంటల లోపే హంతకుడిని పట్టుకున్నారు.
దర్యాప్తు చేస్తున్నప్పుడు, దత్తాత్రేయకు ఆ ప్రాంతంలోని ఒక మహిళతో అక్రమ సంబంధం ఉందని తెలిసింది.
అందుకే ఈ హత్య జరిగిందని పోలీసులు అనుమానిస్తున్నారు.ఈ కేసులో పోలీసులు కొత్త ఆధారాలను కనుగొన్నారు.
దగ్గరలో ఉన్న సీసీ కెమెరా ఫుటేజ్‌ను పరిశీలించగా, ఒక జంట ఒక సంచిని ఈడ్చుకొని వెళ్లి, దాన్ని చెత్త బుట్టలో వేస్తున్న దృశ్యం కనిపించింది.
ఆ జంటను గుర్తించగా, వారి పేర్లు బాలగంధర్వ రామచంద్ర (42), ఆయన భార్య చంగుణ (32) అని తెలిసింది.
ఇద్దరూ ఉరన్‌లోని జసాయి నివాసితులే. """/" /
పోలీసుల విచారణలో రామచంద్ర భార్యకు దత్తాత్రేయకు అఫైర్ ఉందని తెలిసింది.
రామచంద్ర ఈ అఫైర్ ఇకపై సాగించవద్దు అని దత్తాత్రేయను చాలాసార్లు హెచ్చరించాడు.కానీ దత్తాత్రేయ పట్టించుకోలేదు.
కోపగించిన రామచంద్ర అతన్ని చంపాలని నిర్ణయించుకున్నాడు.శుక్రవారం రాత్రి దత్తాత్రేయను ఇంటికి భోజనానికి పిలిచి, మద్యం తాగించాడు.
మద్యం తాగి నిద్రపోయినప్పుడు, రామచంద్ర ఇంట్లో ఉండే బట్టలు ఉతికే రాతితో దత్తాత్రేయ తలపై బలంగా కొట్టి చంపాడు.
తర్వాత, రామచంద్ర, ఆయన భార్య కలిసి మృతదేహాన్ని ఒక సంచిలో వేసి, చెత్త బుట్టలో పడేశారు.
పోలీసుల ప్రకారం, భార్య హత్య చేయలేదు కానీ మృతదేహాన్ని దాచడంలో సహాయం చేసింది.
వయనాడ్ ఎన్నికల బరిలోకి నవ్య హరిదాస్.. అసలు ఎవరు ఈమె..?