7 రోజుల్లో 7 ప్రపంచ వింతలు చూసేసిన వ్యక్తి.. రికార్డు బద్దలు!
TeluguStop.com
సాధారణంగా వారం రోజుల్లో ఇండియాలోని ప్రముఖ ప్రదేశాలు చూడటమే కష్టంగా ఉంటుంది.అలాంటిది ఒక వ్యక్తి వారం రోజుల్లో ప్రపంచంలోని ఏడు వింతలను చూసేసాడు.
ఆన్‌లైన్‌లో 'అడ్వెంచర్‌మ్యాన్' అని పిలిచే బ్రిటన్‌కు చెందిన జామీ మెక్‌డొనాల్డ్(Jamie McDonald ) ఈ అసాధారణమైన ఫీట్‌ను సాధించి ఆశ్చర్యపరిచాడు.
ఏడు రోజుల్లో ప్రపంచ దేశాలలోని ప్రముఖ ప్రదేశాలను చూసేందుకు అతడు ఉరుకుల పరుగులు తీశాడు.
ఎట్టకేలకు ప్రతిష్ఠాత్మక గిన్నిస్ వరల్డ్ రికార్డ్‌ను( Guinness World Record ) కూడా సొంతం చేసుకున్నాడు.
గ్రేట్ వాల్ ఆఫ్ చైనా, తాజ్ మహల్, పెట్రా, కొలోస్సియం, క్రైస్ట్ ది రిడీమర్, మచు పిచ్చు, చిచెన్ ఇట్జా ఇట్జాలను విజిట్ చేయడం ద్వారా జామీ మెక్‌డొనాల్డ్ ఈ అద్భుతమైన ఫీట్ సాధించాడు.
ఇవన్నీ ఆరు రోజులు, 16 గంటలు, 14 నిమిషాల తక్కువ వ్యవధిలో సందర్శించడం విశేషం.
తన సాహసయాత్రలో జామీ 13 విమానాలు, 16 టాక్సీలు, తొమ్మిది బస్సులు, నాలుగు రైళ్లు, ఒక టోబోగన్ రైడ్‌తో సహా వివిధ రకాల రవాణా మార్గాలను ఉపయోగించాడు.
నాలుగు ఖండాలలో 36,780 కిలోమీటర్ల కంటే ఎక్కువ దూరం ప్రయాణించాడు. """/" /
అతని ప్రయాణం గ్రేట్ వాల్ ఆఫ్ చైనా ( China )వద్ద ప్రారంభమైంది, ఆ తర్వాత అతను తాజ్ మహల్ గొప్పతనాన్ని చూడటానికి భారతదేశానికి వెళ్ళాడు.
భారతదేశ పర్యటన తరువాత, జామీ జోర్డాన్‌కు విమానంలో ఎక్కాడు.ఆకర్షణీయమైన నగరమైన పెట్రాకు బస్సు ప్రయాణంతో తన యాత్రను కొనసాగించాడు.
రోమ్ అతని తదుపరి గమ్యస్థానంగా మారింది, అక్కడ అతను చారిత్రక అద్భుతం, కొలోస్సియంను చూసి ఆశ్చర్యపోయాడు.
వెనువెంటనే, అతను మరొక విమానంలో ఎక్కి బ్రెజిల్‌కు వెళ్లాడు.అక్కడ అతను ప్రపంచంలోనే అతిపెద్ద ఆర్ట్ డెకో విగ్రహం క్రైస్ట్ ది రిడీమర్‌ను చూసి మైమర్చిపోయాడు.
"""/" /
చివరగా, మచు పిచ్చు, చిచెనిట్జా ఇట్జా సందర్శనలతో జామీ తన విశేషమైన ప్రయాణాన్ని ముగించాడు.
అతని మొత్తం యాత్రలో, అతను ట్రావెల్‌పోర్ట్ అనే ట్రావెల్ కంపెనీ నుంచి మద్దతు పొందాడు.
ప్రపంచంలోని 7 అద్భుతాలను సందర్శించడానికి జామీ చేసిన ప్రయత్నం కేవలం రికార్డును నెలకొల్పడం మాత్రమే కాదని గమనించాలి.
సూపర్ హీరో ఫౌండేషన్ అనే స్వచ్ఛంద సంస్థ కోసం నిధులను సేకరించాలనే మంచి ఉద్దేశంతో ఇతడు ఈ వింతలను తక్కువ టైమ్‌లో చూశాడు.
ఈ ఫేస్‌ ఆయిల్ తో సూపర్ గ్లోయింగ్ అండ్ హెల్తీ స్కిన్ మీ సొంతం!