వైసీపీకి మరో కీలక నేత రాజీనామా .. జగన్ రియాక్షన్ ఏంటో ?
TeluguStop.com
ఏపీలో ప్రతిపక్ష హోదా కూడా దక్కించుకోలేకపోయిన వైసీపీకి ( YCP ) వరుసగా షాక్ ల మీద షాక్ లు తగులుతున్నాయి.
ఎన్నికల ఫలితాలు వెలువడిన దగ్గర నుంచి పెద్ద ఎత్తున పార్టీ కీలక నాయకులు వైసిపికి రాజీనామా చేసి టిడిపి, జనసేన, బిజెపి వంటి పార్టీలలో చేరిపోయారు .
ఇంకా ఈ చేరికలు పరంపర కొనసాగుతూనే ఉంది.ఈ చేరికలకు అడ్డుకట్ట వేసేందుకు , పార్టీ నాయకుల్లో ధైర్యం నింపేందుకు ఆ పార్టీ అధినేత జగన్( Jagan ) ఇటీవల కాలంలో యాక్టివ్ అయ్యారు.
గత కొద్ది రోజులుగా జనాల్లోనే ఉంటూ జగన్ హడావుడి చేస్తున్నారు.ఈనెల 24వ తేదీన ఢిల్లీలో ధర్నా కార్యక్రమానికి జగన్ గెలుపునిచ్చారు.
ఏపీలో చోటుచేసుకుంటున్న దాడులు, హత్య వ్యవహారాలపై జగన్ ఢిల్లీలో నిరసన కార్యక్రమం చేపట్టనున్నారు.
"""/" /
ఇది ఇలా ఉండగానే తాజాగా మరో కీలక నేత వైసీపీకి రాజీనామా చేశారు .
గుంటూరు వైసిపి నగర అధ్యక్షుడు , మాజీ ఎమ్మెల్యే మద్దాలగిరి( Maddala Giri ) వైసీపీకి రాజీనామా చేస్తున్నట్లు ప్రకటించారు .
ఈ మేరకు వైసిపి అధినేత జగన్ కు లేఖను పంపించారు.తాను వ్యక్తిగత కారణాలతోనే పార్టీ సభ్యత్వానికి రాజీనామా చేస్తున్నట్లు మద్దాలగిరి లేఖలో స్పష్టం చేశారు.
గుంటూరు నగర వైసిపి అధ్యక్షుడిగా( Guntur Town YCP President ) గత కొంతకాలంగా మద్దాలగిరి పనిచేస్తున్నారు.
వ్యక్తిగత కారణాలతో గుంటూరు వైసిపి అధ్యక్ష పదవికి , పార్టీ సభ్యత్వానికి రాజీనామా చేస్తున్నట్లు తెలిపారు.
2019 ఎన్నికల్లో గుంటూరు పశ్చిమ అసెంబ్లీ నియోజకవర్గం నుంచి టిడిపి తరఫున ఎమ్మెల్యేగా పోటీ చేసి గెలిచిన మద్దలగిరి ఆ తర్వాత కొంతకాలానికి వైసీపీకి మద్దతుగా కొనసాగారు.
"""/" /
2024 అసెంబ్లీ ఎన్నికల్లో గుంటూరు వెస్ట్ నుంచి పోటీ చేసేందుకు మద్దాల గిరి సిద్ధమైనా, ఆయన కు అవకాశం ఇవ్వకుండా మాజీ మంత్రి విడుదల రజనీకి ఆ సీటును కేటాయించారు.
దీంతో అప్పట్లోనే మద్దాలగిరి అసంతృప్తికి గురయ్యారు.ప్రస్తుతం వైసీపీ అధికారంలో లేకపోవడం , రాజకీయంగా అనేక ఇబ్బందులు ఎదుర్కొంటూ ఉండడం తదితర కారణాలతో ఆ పార్టీలో ఉన్నా పెద్దగా ప్రయోజనం ఉండదనే ఉద్దేశంతో మద్దాల గిరి వైసీపీకి రాజీనామా చేసినట్లుగా తెలుస్తోంది.
మద్దాల గిరి టిడిపిలో చేఋతారా లేక పూర్తిగా రాజకీయాల నుంచి వైదొలుగుతారా అనేది తేలాల్సి ఉంది .
ఇక మద్దాలగిరి రాజీనామా వ్యవహారంపై ఆ పార్టీ అధినేత జగన్ ఏ విధంగా స్పందిస్తారు అనేది ఆసక్తికరంగా మారింది.
నా మాతృభూమి నాకు ముఖ్యమంటూ రూ.కోట్లు వదులుకున్న సుదీప్.. ఏం జరిగిందంటే?