కళా రంగానికి విశేష సేవలు .. భారత సంతతి రచయిత్రికి సింగపూర్ అత్యున్న పురస్కారం
TeluguStop.com
సింగపూర్లో 81 ఏళ్ల భారత సంతతి రచయిత్రి మీరాచంద్( Meira Chand )కు అత్యున్నత పురస్కారం ‘‘ Cultural Medallion’’ దక్కింది.
ఆమెతో పాటు మరో ఇద్దరు సింగపూర్ జాతీయులు కూడా ఈ పురస్కారం అందుకున్నారు.
కళాత్మక నైపుణ్యం, కళలు, సాంస్కృతిక రంగాన్ని సుసంపన్నం చేయడంలో చేసిన కృషికి గాను సింగపూర్ ప్రభుత్వం వీరిని ఈ అవార్డ్కు ఎంపిక చేసింది.
మంగళవారం ఇస్తానాలో జరిగిన కార్యక్రమంలో మీరాచంద్, సుచేన్ క్రిస్టీన్ లిమ్, మలయ్ డ్యాన్స్ దిగ్గజం ఉస్మాన్ అబ్ధుల్ హమీద్(Osman Abdul Hamid )లు సింగపూర్ అధ్యక్షుడు థర్మన్ షణ్ముగరత్నం చేతుల మీదుగా ఈ అవార్డును అందుకున్నారని ది స్ట్రెయిట్స్ టైమ్స్ వార్తాపత్రిక నివేదించింది.
"""/" /
1997లో హో మిన్ఫాంగ్ తర్వాత ఈ అవార్డును అందుకున్న తొలి ఆంగ్ల భాషా రచయిత్రిగా లిమ్తో పాటు స్విస్ - భారత సంతతికి చెందిన మీరాచంద్లు నిలిచారు.
మీరా చంద్ గతంలో రాసిన ‘‘ది పెయింటెడ్ కేజ్( The Painted Cage ) ’’ ప్రతిష్టాత్మక 1986లో బుకర్ ప్రైజ్ రేసులో నిలిచింది.
ఆమె వెబ్సైట్ ప్రకారం స్విస్ తల్లి, భారతీయ తండ్రికి మీరాచంద్ జన్మించారు.లండన్( London )లోనే ఆమె బాల్యం, విద్యాభ్యాసం గడిచింది.
1962లో ఆమె తన భర్త (భారతీయుడు)తో కలిసి జపాన్కు వెళ్లారు.అక్కడి ఓ ఇంటర్నేషనల్ స్కూల్లో కళపై విద్యాభోదన చేశారు.
1971లో జపాన్ నుంచి భారత్కు వచ్చిన మీరా చంద్.ముంబైలో ఐదేళ్ల పాటు జీవించారు.
ఆ కాలంలోనే ఆమె తొలిసారిగా కలం పట్టారు.భారత్లో వున్న సమయంలో జీవితాన్ని మార్చే అనుభవం ఎదురైందని మీరా చంద్ అన్నారు.
"""/" /
దివంగత సింగపూర్ అధ్యక్షుడు, అప్పటి సాంస్కృతిక మంత్రి ఓంగ్ టెంగ్ చియోంగ్ 1979లో ‘‘కల్చరల్ మెడిలియన్( Cultural Medallion ) అవార్డును నెలకొల్పారు.
సింగపూర్ కళలు, సాంస్కృతిక రంగాన్ని సుసంపన్నం చేసిన కళాత్మక నైపుణ్యం, సహకారం, నిబద్ధత కలిగిన వ్యక్తులకు ఈ పురస్కారాన్ని అందజేస్తూ వస్తున్నారని నేషనల్ ఆర్ట్స్ కౌన్సిల్ వెబ్సైట్ చెబుతోంది.
సినిమా, సాహిత్య కళలు, ప్రదర్శన కళలు, దృశ్య కళల రంగాల్లో దాదాపు 132 మంది కళాకారులకు ఇప్పటి వరకు ఈ అవార్డును ప్రదానం చేసినట్లు తెలిపింది.
గతేడాది 56 ఏళ్ల తమిళ హిందూ అరవింత్ కుమారస్వామి( Aravinth Kumarasamy )కి ఈ ప్రతిష్టాత్మక అవార్డు లభించింది.