ఆపరేషన్ బ్లూ స్టార్ … నిజాలు తేల్చండి , బ్రిటీష్ ప్రభుత్వానికి భారత సంతతి ఎంపీ విజ్ఞప్తి
TeluguStop.com
1984లో పంజాబ్‌లోని స్వర్ణ దేవాలయంలో ( Golden Temple In Punjab )దాక్కొన్న ఖలిస్తాన్ వేర్పాటువాది జర్నైల్ సింగ్ బింద్రన్‌వాలే సహా సిక్కు మిలిటెంట్లను ఏరిపారేయడానికి నాటి ప్రధాని ఇందిరా గాంధీ ఆదేశాల మేరకు భారత సైన్యం ఆపరేషన్ బ్లూ స్టార్ ( Operation Blue Star )నిర్వహించిన సంగతిత తెలిసిందే.
ఈ ఘటన భారత చరిత్రలో మాయని మచ్చగా మిగిలిపోయింది.ఆపరేషన్ తర్వాత ప్రధాని ఇందిరా గాంధీ హత్య , 1984 సిక్కుల ఊచకోత, పంజాబ్‌‌లో ఉద్రిక్త పరిస్ధితులు వంటి పరిణామాలు చోటు చేసుకుని నేటికీ ఈ రావణ కాష్టం రగులుతూనే ఉంది.
"""/" /
తాజాగా ఆపరేషన్ బ్లూ స్టార్‌పై భారత సంతతికి చెందిన బ్రిటీష్ సిక్కు ఎంపీ తన్మన్ జీత్ సింగ్ ధేసీ ( MP Tanman Jeet Singh Dhesi )వివాదాస్పద వ్యాఖ్యలు చేశారు.
భారత ప్రభుత్వం నిర్వహించిన ఆపరేషన్‌లో అప్పటి బ్రిటీష్ ప్రధాని మార్గరెట్ థాచర్ నేతృత్వంలోని కన్జర్వేటివ్ ప్రభుత్వం ప్రమేయం ఎంత ఉందో తేల్చాలని ఆయన డిమాండ్ చేశారు.
ఇందుకోసం ఓ స్వతంత్ర విచారణ జరిపించాలని తన్మన్ కోరారు.మనుపటి కన్జర్వేటివ్ పార్టీ ప్రభుత్వాలు ఈ విషయాన్ని మరుగున పెట్టడానికి ప్రయత్నించారని తన్మన్ జీత్ సింగ్ ఆరోపించారు.
ప్రస్తుతం ఆగ్నేయ ఇంగ్లాండ్‌లోని స్లౌ( Slough In Southeast England ) నుంచి ఆయన ప్రాతినిథ్యం వహిస్తున్నారు.
"""/" /
ఆపరేషన్ బ్లూ స్టార్ అనేది విధ్వంసానికి, రక్తపాతానికి దారి తీసిందని .
దీని వల్ల వేలాది మంది అమాయక ప్రజలు ప్రాణాలు కోల్పోయారని ధేసి ఆవేదన వ్యక్తం చేశారు.
ఈ దారుణ ఘటనకు అప్పటి మార్గరెట్ థాచర్ ప్రభుత్వం ( Thatcher's Government )సలహా ఇవ్వడంతో పాటు అవసరమైన సాయం చేసిందని కొన్ని పత్రాలు వెల్లడించడం మమ్మల్ని దిగ్భ్రాంతికి గురిచేసిందని తన్మన్ జీత్ తెలిపారు.
దీని వెనుక ఉన్న వాస్తవాలను బయటపెట్టేందుకు స్వతంత్ర విచారణ అవసరమని ఆయన పునరుద్ఘాటించారు.
ధేసి గతంలోనూ పార్లమెంట్‌లో ఈ అంశాన్ని లేవనెత్తారు.ఆయన వ్యాఖ్యల తర్వాత హౌస్ ఆఫ్ కామన్స్ నాయకురాలు లూసీ పావెల్ మాట్లాడుతూ.
యూకేలోని సిక్కు సమాజానికి ఇది చాలా ముఖ్యమైన విషయమని పేర్కొన్నారు.
ఐసీసీ అవార్డ్స్ లో దుమ్ములేపిన టీమిండియా ఆటగాళ్లు