ఒకే వాట్సాప్లో 4-5 అకౌంట్లు ఎలా క్రియేట్ చేసుకోవాలి?
TeluguStop.com
ప్రముఖ మెసేజింగ్ దిగ్గజం వాట్సాప్( WhatsApp ) కొన్నాళ్లనుండి వినియోగదారుల సౌకర్యార్థం ఒకదాని తర్వాత ఒకటి ఆకర్షణీయమైన ఫీచర్లను విడుదల చేస్తూ ఖుషీ చేస్తోంది అనడంలో సందేహమే లేదు.
అనేక కొత్త అప్డేట్ లు ఇప్పటికే పరీక్ష దశలో ఉండగా త్వరలో వినియోగదారులకు అవి మరింత అందుబాటులోకి రానున్నాయి.
ఈ క్రమంలోనే వాట్సాప్ మరో ఉపయోగకరమైన ఫీచర్తో ఇపుడు మీ ముందుకు వస్తోంది.
ఇప్పుడు మీరు ఈ కొత్త ఫీచర్ ద్వారా ఒకే వాట్సాప్లో వేర్వేరు ఖాతాలను( Multiple Accounts ) ఉపయోగించుకునే వెసులుబాటు వుంటుంది మరి.
"""/" /
అవును, మనలో చాలమందికి అవసరాన్ని బట్టి వివిధ అకౌంట్లను వాడాల్సి రావచ్చు.
దానికోసం మనం వేరే నంబర్లతో క్రియేట్ చేసిన అకౌంట్స్ ని వాడాల్సి రావచ్చు.
ఈ విషయంలో ఈపాటికే కొంతమందికి అసహనం ఏర్పడవచ్చు.ఎందుకంటే ప్రతి సారీ రెండు చోట్ల, వేరు వేరు నంబర్లతో ఖాతా తెరిచిన వానిని నిర్వహించడం కాస్త కస్టతరం కావచ్చు కనుక.
అయితే ఈ ఇబ్బందిని గుర్తించిన వాట్సాప్ త్వరలో తన వినియోగదారులకు ఈ ఆప్షన్ను అందించనున్నట్లు సమాచారం.
సరళంగా చెప్పాలంటే, ఈ కొత్త ఫీచర్తో ఒకే వాట్సాప్ అప్లికేషన్లో ఎక్కువ వాట్సాప్ ఖాతాలను స్విచ్ తరహాలో తెరవవచ్చన్నమాట.
"""/" /
ఈ ఎంపిక ఇప్పటికే ఇన్స్టాగ్రామ్ , ఫేస్ బుక్( Instagram ) లో అందుబాటులో వుండగా ఇపుడు వాట్సప్ కూడా ఆ సౌకర్యాన్ని కల్పిస్తోంది.
కాగా ప్రస్తుతం వాట్సాప్ వినియోగదారులను ఒక మొబైల్లో ఒక ఖాతాతో మాత్రమే లాగిన్ చేయడానికి అనుమతిస్తుందనే విషయం విదితమే.
అందుకే వేర్వేరు ఫోన్ నంబర్లతో రెండు వాట్సప్ ఖాతాలను ఉపయోగించే వినియోగదారులు 2 మొబైల్లను ఉపయోగించాలి.
ఈ ఫీచర్ ప్రస్తుతం కొంతమంది బీటా టెస్టర్లకు అందుబాటులో ఉంది.రాబోయే వారాల్లో మరింత మంది వినియోగదారులకు అందుబాటులోకి వస్తుందని నివేదికలు చెబుతున్నాయి.