మాంసం కోసం మూగజీవులను హింసిస్తారిలా.. కన్నీళ్లు పెట్టించే వీడియో
మన భారతీయ నటీనటులు సినిమాలకే పరిమితం కాకుండా సామాజిక సమస్యలపైనా స్పందిస్తుంటారు.వారు చేసే ట్వీట్లు ప్రజలను ఆలోచింపజేస్తుంటాయి.
కాలానుగుణంగా మారాలనే దృక్పథాన్ని కలిగిస్తుంటాయి.ముఖ్యంగా జంతుహింసపై( Animal Cruelty ) ఇప్పటికే నాగార్జున భార్య అమల వంటి వారు చేసే ఉద్యమాలు అందరినీ ఆకట్టుకున్నాయి.
ఎక్కడైనా కుక్కలకు, ఇతర జంతువులకు హాని కలిగితే వారు ధర్నాలు సైతం చేస్తారు.
తాజాగా ఈ కోవలో ముంబై నటి వేదిక( Actress Vedhika ) చేరింది.
ఆమె పూర్తిగా శాకాహారి.ప్రజల్లో అవేర్‌నెస్ కోసం ఆమె పోరాడుతోంది.
ఇక తెలుగులో విజయదశమి సినిమాతో ఆమె తెరంగేట్రం చేసింది.ఆ తర్వాత తెలుగులో రూలర్, కాంచన-3, బాణం, బంగార్రాజు వంటి సినిమాలలో నటించింది.
అదే సమయంలో టాలీవుడ్‌తో పాటు కోలీవుడ్, మాలీ వుడ్, శాండల్ వుడ్ సినిమాల్లోనూ తన అదృష్టాన్ని పరీక్షించుకుంది.
తాజాగా ఆమె పోస్ట్ చేసిన ఓ వీడియో సోషల్ మీడియాలో చర్చనీయాంశంగా మారింది.
మూగజీవాలను సంరక్షించేందుకు నటి వేదిక నడుం కట్టారు.గతంలో జీ20 సమావేశాల నిర్వహణ సందర్భంగా ఢిల్లీలో వీధి కుక్కలను( Stray Dogs ) బంధించినప్పుడు ఆమె చలించిపోయింది.
"""/" / ఈ చర్య సరైంది కాదంటూ సోషల్ మీడియాలో ట్వీట్ చేసింది.
తాజాగా మాంసం కోసం( Meat ) మూగజీవాలను ఎలా హింసిస్తారో తెలిపే ఓ వీడియోను ఆమె సోషల్ మీడియాలో పోస్ట్ చేసింది.
కోళ్లు, మేకలు, ఆవులను మాంసం కోసం ఫామ్‌లలో హింసిస్తుంటారని, అంతా మాంసాహారం మానేయాలని పేర్కొంది.
జంతువులను సంరక్షించడంలో భాగం కావాలని పిలుపునిచ్చింది. """/" / ఆమె పోస్ట్‌కు చాలా మంది నెటిజన్లు సానుకూలంగా స్పందిస్తున్నారు.
అయితే వ్యతిరేకత కూడా వ్యక్తం అవుతోంది.అందరూ శాకాహారులుగా( Vegetarians ) ఉండాలని ఎలా అడుగుతారని కొందరు నెటిజన్లు ఆమెను ప్రశ్నిస్తున్నారు.
ఎవరి ఆహారపు అలవాట్లు వారివి అని కొందరు కామెంట్లు పెడుతున్నారు.ఏదేమైనా జంతుహింసకు వ్యతిరేకంగా ఆమె తన గళం వినిపిస్తున్నారు.
త్వరలో ఆమె నటించిన రజాకార్ సినిమా విడుదలకు సిద్ధం అవుతోంది.
