రామ్ చరణ్ శంకర్ సినిమాకు మ్యూజిక్ డైరెక్టర్ ఎవరంటే..?
మెగా పవర్ స్టార్ రామ్ చరణ్ ప్రస్తుతం దర్శకధీరుడు రాజమౌళి డైరెక్షన్ లో ఆర్ఆర్ఆర్ మూవీలో తారక్ తో కలిసి నటిస్తున్న సంగతి తెలిసిందే.
ఈ సినిమా తరువాత రామ్ చరణ్ తరువాత సినిమా గురించి చాలా వార్తలు వచ్చినా చివరకు రామ్ చరణ్ శంకర్ కాంబినేషన్ లో సినిమా ఫైనల్ అయింది.
టాలీవుడ్ స్టార్ ప్రొడ్యూసర్ దిల్ రాజు ఈ సినిమాకు నిర్మాతగా వ్యవహరిస్తున్నారు.అయితే ఈ సినిమాకు ఇప్పటికే మ్యూజిక్ డైరెక్టర్ ను ఫిక్స్ చేసినట్లు ప్రచారం జరుగుతోంది.
"""/"/ టాప్ డైరెక్టర్ గా తనకంటూ ప్రత్యేక గుర్తింపును సంపాదించుకున్న శంకర్ ప్రస్తుతం భారతీయుడు 2 సినిమాకు దర్శకునిగా వ్యవహరిస్తున్నారు.
ఈ సినిమా షూటింగ్ పూర్తైన వెంటనే రామ్ చరణ్ శంకర్ కాంబినేషన్ లో సినిమా పట్టాలెక్కే అవకాశాలు ఉన్నాయి.
ఈ సినిమాకు మ్యూజిక్ డైరెక్టర్ గా కోలీవుడ్ మ్యూజిక్ డైరెక్టర్ అనిరుధ్ రవిచందర్ ఫైనల్ అయినట్లు తెలుస్తోంది.
శంకర్ డైరెక్షన్ లో తెరకెక్కిన సినిమాలకు ఇప్పటివరకు ఎ ఆర్ రెహమాన్ లేదా హరీష్ జైరాజ్ సంగీతం అందించారు.
అయితే ఈసారి మాత్రం యువ సంగీత దర్శకుడు అనిరుధ్ రవిచందర్ కే అవకాశం ఇవ్వాలని శంకర్ భావిస్తున్నట్టు తెలుస్తోంది.
అయితే ఈ మేరకు అధికారక ప్రకటన వెలువడాల్సి ఉంది.మరోవైపు ఈ సినిమా 150 కోట్ల రూపాయల భారీ బడ్జెట్ తో తెరకెక్కనుందని దాదాపు సగం బడ్జెట్ హీరోహీరోయిన్లు, డైరెక్టర్ రెమ్యునరేషన్ గా ఉండనుందని ప్రచారం జరుగుతోంది.
ఈ ఏడాది అక్టోబర్ 13వ తేదీన దసరా పండుగ కానుకగా ఆర్ఆర్ఆర్ సినిమా విడుదల కానుండగా ఈ సినిమాపై భారీగా అంచనాలు నెలకొన్నాయి.
రామ్ చరణ్ కెరీర్ ను ప్లాన్ చేసుకుంటున్న విధానం టాలీవుడ్ టాప్ హీరోలను సైతం ఆశ్చర్యపరుస్తోంది.
చరణ్, శంకర్ కాంబినేషన్ లో తెరకెక్కనున్న సినిమా ఎలాంటి కథతో తెరకెక్కుతుందో చూడాల్సి ఉంది.