పాలల్లో బెల్లం వేసుకుని తాగితే ఎలాంటి ప్రయోజనాలో తెలుసా..?!
TeluguStop.com
ప్రతి రోజు పాలు తాగితే ఆరోగ్యానికి ఎంతో మంచిది.పాలలో కాల్షియంతో పాటు ఇతర రకాల పోషకాలు కూడా సమృద్ధిగా ఉంటాయి.
కనుక పాలను తాగితే చిన్నారులు, పెద్దల్లో ఎముకలు, దంతాలు దృఢంగా మారుతాయి.శరీరానికి విటమిన్ D లభిస్తుంది.
ఇది ఎముకలను బలంగా మారుస్తుంది.చిన్న పిల్లల దగ్గర నుండి పెద్దల వరకు పాలు తాగితే ఎన్నో లాభాలు ఉంటాయి.
రాత్రి పడుకునేటప్పుడు పాలు తీసుకుంటే మంచి నిద్రతో పాటు మనసు కూడా ప్రశాంతంగా ఉంటుంది.
అలాగే చలికాలంలో పాలలో కాస్త బెల్లం కలిపి తీసుకుంటే మరెన్నో ఆరోగ్య ప్రయోజనాలను పొందవచ్చు.
ఇలా పాలు, బెల్లం రెండూ కలిపి తీసుకోవడం వలన కలిగే ఆరోగ్యకరమైన ప్రయోజనాలు ఏంటో ఒకసారి తెలుసుకుందామా.
రాత్రి పూట ఒక గ్లాస్ గోరు వెచ్చని పాలలో కొద్దిగా బెల్లం కలిపి తాగడం వల్ల కీళ్ల నొప్పుల నుంచి ఉపశమనం లభిస్తుంది.
ఇలా పాలల్లో బెల్లం కలుపుకుని తాగితే శరీరంలోని వ్యర్థ పదార్ధాలు బయటకు పోతాయి.
అంతేకాకుండా పాలలో బెల్లం కలిపి తాగడం వల్ల రక్తం శుద్ధి అవుతుంది.మహిళలకు నెలసరి సమయంలో వచ్చే సమస్యలు కూడా తగ్గుముఖం పడతాయి.
రోగ నిరోధక శక్తి పెరగడంతో పాటు, శరీరానికి ఐరన్ కూడా సమృద్ధిగా లభిస్తుంది.
గర్భిణీలు రక్తహీనత సమస్య నుంచి బయటపడాలంటే బెల్లం కలిపిన పాలు ఎంతగానో మేలు చేస్తాయి.
శరీరంలో శక్తి స్థాయిలు పెరిగి నీరసం, అలసట తగ్గుతాయి.మనుషులు కూడా చాలా యాక్టివ్‌గా ఉంటారు.
ఇలా పాలల్లో బెల్లం వేసుకుని తాగడం వలన ఆరోగ్యంతో పాటు అందం కూడా మీ సొంతం అవుతుంది.
"""/" /
పాలల్లో ఉండే అమైనో యాసిడ్లు చర్మాన్ని తేమగా ఉంచేందుకు సహాయపడతాయి.
అందువల్ల చలికాలంలో వచ్చే పగుళ్ల నుంచి రక్షణ లభించడంతో పాటు చర్మం కూడా మృదువుగా ఉంటుంది.
పాలల్లోని పోషకాలు కొల్లాజెన్ ఉత్పత్తిని పెంచుతాయి.ఫలితంగా చర్మం యవ్వనంగా కనిపించడంతో పాటు చర్మాన్ని మృదువుగా, కాంతివంతంగా మార్చి రక్షిస్తుంది.
అధిక బరువు తగ్గాలని చూస్తున్న వారు రోజూ బెల్లం పాలను తాగడం చాలా ప్రయోజనకరంగా ఉంటుంది.
"""/" /
అజీర్ణ సమస్య ఉన్నవారు బెల్లం కలిపిన పాలను తాగడం వల్ల ఆ సమస్య నుంచి సులభంగా బయటపడవచ్చు.
తిన్న ఆహారం సరిగ్గా జీర్ణమవుతుంది.మలబద్దకం నుంచి బయట పడవచ్చు.
బెల్లం కలిపిన పాలను తాగడం వల్ల బీపీ కూడా తగ్గుతుంది.అయితే ఈ మిశ్రమం వల్ల కొందరికి అలర్జీలు కూడా వచ్చే అవకాశం ఉంది.
అందుకనే వైద్యుల సలహాల మేరకు బెల్లం పాలు తీసుకోవాలి.
‘మన హక్కు హైదరాబాద్’ అంటూ కర్టెన్ రైజర్ ప్రచార గీతం..