టెన్త్ విద్యార్థులకు గుడ్ న్యూస్
నల్లగొండ:పదవ తరగతి పబ్లిక్ పరీక్షలకు హాజరయ్యే విద్యార్థులందరికీ టీఎస్ ఆర్టీసీ బస్సుల్లో ఉచితంగా ప్రయాణించే అవకాశాన్ని కల్పించనున్నట్లు ఆర్టీసీ ఎండీ సజ్జనార్ గురువారం ట్విట్టర్ ద్వారా వెల్లడించారు.
ఈ మేరకు పదవ తరగతి విద్యార్థులు ప్రస్తుతం కలిగి ఉన్న బస్ పాస్ వ్యాలిడిటీని జూన్ 1 వ తేదీ వరకు పొడిగిస్తున్నట్లు తెలిపారు.
విద్యార్థులు తమ బస్ పాస్ తో పాటు హాల్ టికెట్ చూపించి పరీక్షల రోజుల్లో ఉచితంగా పరీక్షా కేంద్రం,అక్కడి నుంచి తిరుగు ప్రయాణం చేయవచ్చని వివరించారు.
ఈ అవకాశాన్ని విద్యార్థులు సద్వినియోగం చేసుకోవాలని సూచించారు.
