భార్యను హత్తుకుని ఏడ్చేసిన కమెడియన్ శివారెడ్డి.. టాలెంట్ ఉన్నా సక్సెస్ కాలేదంటూ?
TeluguStop.com
నటుడిగా, మిమిక్రీ ఆర్టిస్ట్ గా టాలీవుడ్ ఇండస్ట్రీలో శివారెడ్డికి ప్రత్యేక గుర్తింపు ఉంది.
శివారెడ్డి దేశవిదేశాలలో 100కు పైగా సినిమాలలో నటించడంతో పాటు 3500 కంటే ఎక్కువ ప్రదర్శనలు ఇచ్చారు.
కరీంనగర్ జిల్లాలోని రామగుండంలో జన్మించిన శివారెడ్డికి పాటలతో పాటు డ్యాన్సులు అంటే కూడా ఎంతో ఆసక్తి ఉండేది.
1994 సంవత్సరంలో పిట్టల దొర అనే సినిమాతో శివారెడ్డి నటుడిగా కెరీర్ ను మొదలుపెట్టారు.
వసంతం, మనసంతా నువ్వే, అతడే ఒక సైన్యం సినిమాలు శివారెడ్డికి నటుడిగా మంచిపేరును తెచ్చిపెట్టాయి.
అయితే తాజాగా స్టార్ మా ఛానెల్ లో ప్రసారమైన ఇస్మార్ట్ జోడీ ఎపిసోడ్ లో శివారెడ్డి కన్నీళ్లు పెట్టుకున్నారు.
శివారెడ్డి భార్య పేరు స్వాతి కాగా తనకు చాలా ప్రతిభ ఉందని అయితే లైఫ్ లో అడ్డంకులు ఎదురు కావడంతో వెనుకడుగు వేస్తుంటానని శివారెడ్డి చెప్పుకొచ్చారు.
ఈ షోలో ఒక టాస్క్ లో భాగంగా శివారెడ్డి భార్య జాగ్రత్తలు తీసుకోకుండా మూకుడును కింద పెట్టారు.
అలా చేయడం వల్ల ఆమె రెండు చేతులు కందిపోయాయి.ఆ సమయంలో భార్యను కౌగిలించుకుంటూ ఎమోషనల్ అయిన శివారెడ్డి తన కష్టాలను చెప్పుకొచ్చారు.
భార్య వేడిగా ఉండే పెనంను కింద పెట్టిన సమయంలో తన ఫ్యూజులు ఔట్ అయ్యాయని శివారెడ్డి వెల్లడించారు.
తన భార్య చేతివేళ్లను చూపిస్తూ శివారెడ్డి కనీళ్లు పెట్టుకున్నారు.శివారెడ్డిని చూసి షోలో పాల్గొన్న ఇతర కంటెస్టెంట్లు సైతం ఎమోషనల్ అయ్యారు.
"""/" /
శివారెడ్డికి ఉన్న ప్రతిభకు అతను టాలీవుడ్ లో టాప్ కమెడియన్లలో ఒకరిగా ఉండాలి.
అయితే వరుసగా సినిమా ఆఫర్లను అందుకోవడంలో శివారెడ్డి ఫెయిల్ అయ్యారు.శివారెడ్డి కామెడీకి మాత్రం ఊహించని స్థాయిలో అభిమానులు ఉండటం గమనార్హం.
శివారెడ్డి వరుసగా ఆఫర్లతో బిజీ కావాలని అతని అభిమానులు కోరుకుంటున్నారు.
చిత్తూరు నియోజకవర్గంలో కత్తిపోట్ల కలకలం.. వైసీపీ ఏజెంట్ పై దాడి