ఫ్లాప్ అవుతుంది అనుకున్న ‘టైగర్ నాగేశ్వర రావు’ చిత్రానికి ఇంత వసూళ్లు వచ్చాయా..!
TeluguStop.com
కొన్ని సినిమాలను సీజన్స్ చాలా రక్షితాయి.డిజాస్టర్ ఫ్లాప్ అవ్వాల్సిన సినిమాలు కూడా యావరేజి రేంజ్ కి వచ్చేస్తుంటాయి.
అందుకే నిర్మాతలు తమ సినిమాలను సరైన డేట్స్ లో రిలీజ్ చేసుకోవడానికి పరితపిస్తూ ఉంటారు.
అందుకు ఉదాహరణ ఈ ఏడాది 'దసరా' కానుకగా విడుదలైన సినిమాలే.ముఖ్యంగా మాస్ మహారాజ రవితేజ ( Ravi Teja )హీరో గా నటించిన 'టైగర్ నాగేశ్వర రావు' చిత్రం( Tiger Nageswara Rao Movie ) గురించి మాట్లాడుకోవాలి.
ఈ చిత్రం పై మొదట్లో చాలా అంచనాలు ఉండేవి , కానీ ట్రైలర్ చూసిన తర్వాత ఆ అంచనాలు బాగా తగ్గాయి.
టాక్ కూడా ఆశించిన స్థాయిలో రాలేదు, రన్ టైం చాలా ఎక్కువ, తలనొప్పి సినిమా అని అన్నవాళ్ళు కూడా చాలామంది ఉన్నారు.
మరోపక్క యూత్ మొత్తం విజయ్ 'లియో'( LEO ) వైపు మొగ్గు చూపించారు, ఫ్యామిలీ ఆడియన్స్ మొత్తం 'భగవంత్ కేసరి'( Bhagvanth Kesari ) వైపు ఉన్నారు.
ఈ రెండు సినిమాల మధ్యలో 'టైగర్ నాగేశ్వర రావు' చిత్రం నలిగిపోతుందేమో అని అనుకున్నారు అందరూ.
"""/" /
కానీ ఎవ్వరూ ఊహించని విధంగా ఈ సినిమా కూడా దసరా అప్పుడు కోలుకుంది.
అలా 10 కోట్ల రూపాయిల షేర్ వసూళ్లతో క్లోజ్ అయిపోతుంది అనుకున్న ఈ చిత్రం, ఇప్పటి వరకు 22 కోట్ల రూపాయిల షేర్ వసూళ్లను సాధించింది.
ఈ సినిమా ప్రీ రిలీజ్ థియేట్రికల్ బిజినెస్ దాదాపుగా 37 కోట్ల రూపాయలకు జరిగింది.
ఈ వీకెండ్ కూడా ఈ చిత్రానికి డీసెంట్ స్థాయి వసూళ్లు వచ్చే అవకాశం ఉండడం తో, ఈ వీకెండ్ తో 25 కోట్ల రూపాయిల షేర్ మార్కుని అందుకుంటుంది అని, ఫుల్ రన్ లో 30 కోట్ల రూపాయిల క్లోసింగ్ తో సినిమా రన్ పూర్తి అవుతుందని అంటున్నారు.
అంటే 7 కోట్ల రూపాయిల నష్టం కచ్చితంగా ఉంటుంది అన్నమాట.ఇది కమర్షియల్ గా యావరేజి రేంజ్ అని చెప్పొచ్చు.
కానీ రవితేజ( Ravi Teja ) ఊహించిన రేంజ్ లో అయితే సక్సెస్ కాలేకపోయింది ఈ చిత్రం.
"""/" /
ప్రారంభం లో ఈ చిత్రానికి ఆ రేంజ్ నెగటివ్ టాక్ రావడానికి కారణం రన్ టైం వల్లే.
ఇది గమనించిన మేకర్స్ ఏకంగా 45 నిమిషాల సినిమాని తొలగించేసారు.ముందే ఆ పని చేసి విడుదల చేసి ఉండుంటే కచ్చితంగా ఇంకా మెరుగైన ఫలితం వచ్చేది.
ఇప్పటికి కూడా ఈ సినిమాకి యావరేజి వసూళ్లు రావడానికి కారణం రన్ టైం ని ట్రిమ్ చెయ్యడం వల్లే.
ఏది ఏమైనా ఫ్లాప్ అవుతుంది అనుకున్న సినిమా ఇంత దూరం వచ్చిందట అందుకు కారణం దసరా అని చెప్పడం లో ఎలాంటి అతిశయోక్తి లేదు.
అద్దెతో విసిగిపోయిన యూకే మహిళ.. చివరికేం చేసిందో తెలిస్తే ముక్కున వేలేసుకుంటారు!