సినిమాలలో నటించకపోవడానికి కారణం అదే.. అసలు విషయం చెప్పిన అలీ!
TeluguStop.com
తెలుగు సినిమా ఇండస్ట్రీలో కొన్ని వందల సినిమాల్లో నటించి కమెడియన్ గా ఎంతో మంచి గుర్తింపు సంపాదించుకున్న నటుడు గురించి ప్రత్యేకంగా చెప్పాల్సిన పనిలేదు.
అయితే ఈ మధ్యకాలంలో అలీ వెండితెరకు పూర్తిగా దూరమయ్యారు.ఇక తాజాగా ఈయన అనిల్ రావిపూడి దర్శకత్వంలో తెరకెక్కిన ఎఫ్ 3 సినిమా ద్వారా ప్రేక్షకుల ముందుకు రాబోతున్నారు.
అలీ ఈ సినిమాలో ఒక కీలక పాత్రలో నటించారు.ఈ సినిమా మే 27వ తేదీ విడుదల కావడంతో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.
ఈ ప్రమోషన్ కార్యక్రమాల్లో భాగంగా అలీ ఒక ఇంటర్వ్యూలో పాల్గొని తన సినీ కెరీర్ గురించి ఆసక్తికరమైన విషయాలు వెల్లడించారు.
ఈ క్రమంలోనే ఈ మధ్య కాలంలో సినిమాలు చేయకపోవడానికి కారణం ఏంటనే ప్రశ్న ఎదురయింది.
ఈ ప్రశ్నకు అలీ సమాధానం చెబుతూ ప్రస్తుతం తాను బుల్లితెరపై ఆలీతో సరదాగా కార్యక్రమాన్ని చేస్తున్నానని అలాగే యమలీల సీరియల్ చేశానని తెలిపారు.
ఎస్వీ కృష్ణారెడ్డి కోరిక మేరకే తను ఈ సీరియల్ నటించానని అలీ తెలిపారు.
ఎందుకంటే సినిమా కోసం ఇండస్ట్రీలో ఎంతోమందిని ఒప్పించి ఎస్ వి కృష్ణారెడ్డి నన్ను హీరో చేశాడు.
అందుకే ఆయన ఏం చెప్పినా వెనకా ముందు ఆలోచించకుండా చేస్తానని వెల్లడించారు. """/"/
ఇక సినిమాలలో నటించకపోవడానికి కారణం తెలియజేస్తూ.
ప్రస్తుత కాలంలో చిన్నచిన్న సినిమాలలో కూడా మాకు క్యారెక్టర్లు ఇస్తున్నారు.కథ ఏంటో చెప్పకుండా సినిమాలలో అవకాశం ఇస్తారు.
తీరా సినిమా చేసిన తర్వాత ఇలాంటి సినిమాలలో అలీ ఎందుకు నటించారని ప్రేక్షకులు అనుకోకూడదు అందుకే సినిమాలు చేయడం మానేశానని అలీ తెలిపారు.
ముందుగా కథ వివరించి నా పాత్రకు ప్రాధాన్యత ఉంటేనే నటిస్తానని, ప్రాధాన్యత లేని పాత్రలు చేయనని ప్రస్తుతం ఆ అవసరం తనకు లేదని అలీ వెల్లడించారు.
మావోయిస్టులు కాంగ్రెస్కు మద్థతివ్వాలి..: మంత్రి తుమ్మల