చైనా: రూ.55 లక్షలు నీళ్లపాలు.. వధువు అసలు రహస్యం బయటపడటంతో వరుడు లబోదిబో..
TeluguStop.com
పెళ్లి అనేది ప్రతి ఒక్కరి జీవితంలో ఒక మధురమైన ఘట్టం.ఎన్నో కలలు, ఆశలతో నూతన జీవితానికి నాంది పలుకుతారు.
కానీ, హుబేయ్ ప్రావిన్స్‌కు చెందిన షిన్( Shin ) అనే వ్యక్తికి పెళ్లి పీటలు ఎక్కకముందే ఊహించని షాక్ తగిలింది.
ప్రేమ పేరుతో జరిగిన మోసం అతడి జీవితాన్ని కుదిపేసింది.దాదాపు రూ.
55 లక్షలు పోగొట్టుకున్నాడు.అసలేం జరిగిందంటే.
షిన్ ఒక వెడ్డింగ్ ప్లానింగ్ ప్రకటన చూశాడు.అక్కడే షాయు( Shaw ) అనే మహిళ పరిచయమైంది.
ఆన్‌లైన్‌లో మొదలైన పరిచయం కాస్తా ప్రేమగా మారింది.షాయు తన మాటలతో షిన్‌ను మాయ చేసింది.
సాంప్రదాయాల పేరు చెప్పి డబ్బులు గుంజడం మొదలుపెట్టింది.పెళ్లి ఖర్చుల కోసం రూ.
22 లక్షలు కావాలని అడిగింది.అంతేకాదు, తన సోదరికి బహుమతులు, తల్లి వైద్య ఖర్చులు అంటూ విడతల వారీగా డబ్బులు తీసుకుంటూనే ఉంది.
షిన్ కూడా ప్రేమలో కళ్లు మూసుకుపోయి ఆమె అడిగినంత డబ్బు ఇస్తూ వచ్చాడు.
ఇలా ఏడాది కాలంలో షిన్ ఆమెకు ఏకంగా రూ.55 లక్షలకు పైగా ట్రాన్స్‌ఫర్ చేశాడు.
"""/" /
షాయు పంపిన ఫొటోలు, ఫోన్ కబుర్లతో షిన్ ఆమె ప్రేమలో మునిగిపోయాడు.
మధ్య మధ్యలో కొన్ని అనుమానాలు వచ్చినా, షాయు వాటిని తన మాటలతో మాయం చేసేది.
ఇరు కుటుంబాలూ కలుసుకోవాలని నిర్ణయించుకున్న సమయంలో షిన్‌కు ఒక షాక్ తగిలింది.షాయుని స్వయంగా చూసినప్పుడు, ఫొటోల్లో ఉన్న అందానికి, నిజానికి చాలా తేడా ఉంది.
"ఫిల్టర్ మాయ"( Filter Maya ) అని షాయు కవర్ చేసినా, షిన్ మనసులో అనుమానం మొదలైంది.
అయినా, ప్రేమ మాయలో ఉన్న షిన్ పెళ్లి ప్రయత్నాలు ఆపకుండా డబ్బు పంపుతూనే ఉన్నాడు.
"""/" /
షాయు ఫోన్‌లో అనుమానాస్పద మెసేజ్‌లు చూడటంతో షిన్ అనుమానాలు మరింత బలపడ్డాయి.
దానికి షాయు "ఎవరో నా ఫోన్ హ్యాక్ చేశారు" అని చెప్పి తప్పించుకుంది.
ఇంతలో షిన్‌కు మరో ట్విస్ట్ ఎదురైంది.షాయు సోదరినని చెప్పుకుంటూ ఒక వ్యక్తి షిన్‌ను సంప్రదించి ఈ సంబంధం వద్దని తెగేసి చెప్పింది.
దీంతో షిన్‌కు అనుమానం మరింత బలపడింది.అసలు నిజం ఏమిటో తెలుసుకోవాలని గట్టిగా నిర్ణయించుకున్నాడు.
విచారణ మొదలుపెట్టాడు.షాకింగ్ నిజాలు ఒక్కొక్కటిగా బయటపడ్డాయి.
షాయు, ఆమె కుటుంబం అంతా ఒక ముఠాగా ఏర్పడి అమాయకులను మోసం చేస్తున్నారని తేలింది.
అంతేకాదు, సోదరిగా నటించిన వ్యక్తి మరెవరో కాదు, స్వయంగా షాయునే! షిన్‌కు ఇంకో విషయం తెలిసి దిమ్మతిరిగింది, షాయుకు పెళ్లయి ఒక బిడ్డ కూడా ఉన్నాడని తెలిసింది.
ఇక చేసేదేమీ లేక షిన్ పోలీసులను ఆశ్రయించాడు.పోలీసులు విచారణ జరిపి షాయు, ఆమెతో ఉన్నవాళ్లంతా ఆన్‌లైన్‌లో ప్రేమ, పెళ్లి కోసం ఎదురుచూసే అమాయకులను మోసం చేసే ఒక పెద్ద ముఠా అని తేల్చారు.
బాలయ్య ఎన్టీఆర్ ను ఇప్పటికైనా క్షమిస్తాడా.. తమ కుటుంబంలో కలుపుకొంటాడా?