తెలంగాణ ఎన్నికల ప్రచారంలో బీఆర్ఎస్ దూకుడు
TeluguStop.com
తెలంగాణలో అసెంబ్లీ ఎన్నికలు సమీపిస్తున్న తరుణంలో బీఆర్ఎస్ ప్రచారాన్ని జోరుగా కొనసాగిస్తుంది.మొదటి దఫా ప్రచారాన్ని పూర్తిచేసిన గులాబీ బాస్ రెండో విడత ప్రచారంలో దూకుడు పెంచారు.
ఇందులో భాగంగా నిన్న మూడు ప్రజా ఆశీర్వాద సభల్లో పాల్గొన్న కేసీఆర్ ఇవాళ కూడా మూడు సభలకు హాజరుకానున్నారు.
పాలేరు, వర్ధన్నపేటతో పాటు మహబూబాబాద్ లో ప్రజా ఆశీర్వాద సభల్లో పాల్గొననున్నారు.ముందుగా ఉమ్మడి ఖమ్మం జిల్లా పాలేరు నియోజకవర్గంలోని జీళ్ల చెరువులో నిర్వహించనున్న ప్రజా ఆశీర్వాద సభకు కేసీఆర్ హాజరుకానున్నారు.
అయితే ఉమ్మడి ఖమ్మం జిల్లాలో మొదటి ఎన్నికల సభ కావడంతో బీఆర్ఎస్ దీన్ని ప్రతిష్టాత్మకంగా తీసుకుందని చెప్పొచ్చు.
ఎమ్మెల్యే కందాల ఉపేందర్ రెడ్డి ఆధ్వర్యంలో ఏర్పాటు చేస్తున్న సభకు భారీగా జనసమీకరణ చేస్తున్నారు.
అలాగే సభా వేదిక ముుందు సుమారు 70 టన్నుల ఇసుకతో కేసీఆర్ సైకత శిల్పాన్ని ఏర్పాటు చేశారు.
పాలేరు సభ తరువాత వర్ధన్నపేట, మహబూబాబాద్ లో నిర్వహించనున్న ప్రజా ఆశీర్వాద సభల్లో కేసీఆర్ పాల్గొంటారు.
ఇందులో భాగంగా ప్రభుత్వం చేసిన అభివృద్దితో పాటు అమలు చేసిన సంక్షేమ పథకాలను ప్రజలకు వివరించనున్నారు.
అప్పుడు మావయ్య బలంగా హత్తుకొని ముద్దుపెట్టారు.. సాయితేజ్ కామెంట్స్ వైరల్!