నేటి నుంచే వై ఏపీ నీడ్స్ జగన్ ‘ ! భారీగా ప్లాన్
TeluguStop.com
ఏపీ అధికార పార్టీ వైసిపి( YCP ) నేటి నుంచి సరికొత్త కార్యక్రమానికి శ్రీకారం చుట్టింది.
రాబోయే సార్వత్రిక ఎన్నికలను దృష్టిలో పెట్టుకుని నేటి నుంచి వై ఏపీ నీడ్స్ జగన్ ( Jagan )కార్యక్రమాన్ని ప్రారంభించనుంది.
రాష్ట్రవ్యాప్తంగా అన్ని మండలాల్లో సచివాలయ పరిధిలో ఈ కార్యక్రమం కొనసాగనుంది.ఈ కార్యక్రమాన్ని వైసీపీ అత్యంత ప్రతిష్టాత్మకంగా తీసుకుంది.
గత నాలుగున్నర ఏళ్ల వైసిపి పాలనలో చేసిన అభివృద్ధి , సంక్షేమాలను ప్రజలకు వివరించడంతోపాటు , గత ప్రభుత్వ వైఫల్యాలను ప్రజల్లోకి తీసుకువెళ్లి విధంగా ఈ కార్యక్రమంలో సచివాలయం సిబ్బంది, పార్టీకి సంబంధించిన నాయకులు ఈ కార్యక్రమంలో పాల్గొంటారు .
వైసిపి అధికారంలోకి వచ్చిన తరువాత చేపట్టిన సంక్షేమ కార్యక్రమాలు, సచివాలయాల ద్వారా జరిగిన అభివృద్ధిని ప్రజలకు వివరిస్తారు.
"""/" /
అదే సమయంలో వైసీపీకి సంబంధించిన గృహ సారధులు, సచివాలయ కన్వీనర్లు, పార్టీ మండల స్థాయి నాయకులు గత ప్రభుత్వ వైఫల్యాలను ప్రజలకు వివరిస్తారు.
దీంతోపాటు 2014 ఎన్నికల సమయంలో టిడిపి, జనసేన ,బిజెపిలో( TDP, Janasena, BJP ) కలిసి ఎన్నికల సమయంలో ప్రజలకు ఇచ్చిన హామీలు ,అధికారంలోకి వచ్చిన తర్వాత అమలు చేయని హామీలను ప్రజలకు వివరిస్తారు .
ఏడాదికి 12 గ్యాస్ సిలిండర్లు, నిరుద్యోగ భృతి , డ్వాక్రా మహిళలకు రుణమాఫీ వంటి వైఫల్యాలను ప్రజలకు వివరిస్తారు.
ఈ కార్యక్రమంలో భాగంగా నాలుగు అంశాలు ప్రధానంగా హైలెట్ చేయనున్నారు.మొదట రోజు సచివాలయాల్లో ప్రభుత్వం చేసిన అభివృద్ధి , సచివాలయ పరిధిలో ఎంతమందికి పథకాలు ద్వారా ప్రయోజనం కలిగింది, ఎంత మేరకు లబ్ధి కలిగింది, అదే విధంగా ఆ గ్రామంలో జరిగిన అభివృద్ధి కార్యక్రమాలు ప్రభుత్వం చేపట్టింది అనే విషయాలతో కూడిన బోర్డులను ప్రదర్శిస్తారు.
మొదటి రోజు పార్టీ జెండా ఆవిష్కరణ కార్యక్రమాన్ని చేపడతారు. అనంతరం స్థానికంగా ప్రభావితం చేసే వ్యక్తులు, వర్గాలతో సమావేశాన్ని ఏర్పాటు చేస్తారు.
"""/" /
రెండో రోజు సచివాలయ పరిధిలో ప్రతి గడపను సందర్శిస్తారు.రాష్ట్రవ్యాప్తంగా జరిగిన అభివృద్ధి, అధికారంలోకి జగన్ వచ్చిన తర్వాత జరిగిన అభివృద్ధి , తలసరి ఆదాయం పెరుగుదల వంటి విషయాలను ప్రజలకు వివరించనన్నారు.
ఈ విధంగా డిసెంబర్ 19 వరకు వై ఏపీ నీడ్స్ జగన్ అనే కార్యక్రమాన్ని కొనసాగించనున్నారు .
ఏపీ ఆర్థిక వ్యవస్థ దెబ్బ తిన్నట్లుగా వైసిపి రాజకీయ ప్రత్యర్థులు ఆరోపణలు చేస్తుండడంతో , దాన్ని తిప్పికొట్టేందుకు ప్లాన్ చేశారు.
ఇంకా అనేక విషయాలపై ప్రజలకు క్లారిటీ ఇచ్చేందుకు వై ఏపి నీడ్స్ జగన్ కార్యక్రమాన్ని రూపొందించారు.
ఇలా చేస్తే ఎలా దేవర.. 1000 కోట్ల రూపాయలు సాధించాలంటే ఇది పద్ధతి కాదుగా!