రాఘవేంద్రరావు ఆర్టిస్టుని పువ్వులా చూసుకుంటారు.. కోట కామెంట్స్ వైరల్!
TeluguStop.com
టాలీవుడ్ ఇండస్ట్రీలోని స్టార్ డైరెక్టర్లలో కె.రాఘవేంద్రరావు కూడా ఒకరు.
100కు పైగా సినిమాలకు రాఘవేంద్రరావు దర్శకత్వం వహించగా ఆ సినిమాలలో ఎక్కువ సినిమాలు బాక్సాఫీస్ వద్ద సక్సెస్ సాధించి నిర్మాతలకు కళ్లు చెదిరే స్థాయిలో లాభాలను అందించాయి.
దర్శకుడిగా రాఘవేంద్రరావు ఎన్నో అవార్డులను సొంతం చేసుకున్నారు.విక్టరీ వెంకటేష్, మహేష్ బాబు, అల్లు అర్జున్ లను టాలీవుడ్ కు పరిచయం చేసిన దర్శకుడు రాఘవేంద్రరావు కావడం గమనార్హం.
ప్రముఖ నటుడు కోట శ్రీనివాసరావు రాఘవేంద్రరావు గురించి ఆసక్తికర విషయాలను వెల్లడించారు.రాఘవేంద్రరావు డైరెక్షన్ లో తెరకెక్కిన సినిమాలలో ఎక్కువ సినిమాలలో తాను నటించలేదని అయినప్పటికీ రాఘవేంద్రరావుపై ప్రేమ, గౌరవం మాత్రం తనకు అలాగే ఉన్నాయని కోట శ్రీనివాసరావు కామెంట్లు చేశారు.
ఒకసారి తాను గోదావరి ఎక్స్ ప్రెస్ లో వెళ్లే సమయంలో అదే రైలులో రాఘవేంద్రరావు గారు కూడా ఉన్నారని తనకు తెలిసిందని తాను వెంటనే వెళ్లి కలిశానని కోట అన్నారు.
ఆయన ట్రైన్ లో ఏదో ఫంక్షన్ కు వెళుతున్నారని ఆయన బోగీలో డాక్టర్లు, ఇంజినీర్లు ఎక్కువగా ఉన్నారని తాను వెళ్లి నమస్కారం పెట్టిన వెంటనే రాఘవేంద్రరావు లోపలికి రా కూర్చో అంటూ ప్రేమగా ఆహ్వానించారని అక్కడ ఉన్నవాళ్లు సైతం నాతో ఆప్యాయంగా మాట్లాడారని కోట శ్రీనివాసరావు చెప్పుకొచ్చారు.
రాఘవేంద్రరావు ఆర్టిస్టును పువ్వులా చూసుకుంటారని కోట శ్రీనివాసరావు తెలిపారు. """/" /
రాఘవేంద్రరావు నాకు మాస్ జనాలతో పాటు చదువుకున్నవాళ్లలో కూడా చాలామంది అభిమానులు ఉన్నారని చెప్పారని కోట శ్రీనివాసరావు చెప్పుకొచ్చారు.
అవతలివాళ్ల అవకతవకలను రాఘవేంద్రరావు అస్సలు పట్టించుకోరని ఇతరుల మంచి గురించి మాత్రమే అయన ఆలోచిస్తారు కాబట్టే ఆయన సెట్లో ఉన్నవాళ్లంతా ఆనందంగా ఉంటారని కోట శ్రీనివాసరావు కామెంట్లు చేశారు.
కోట శ్రీనివాసరావు చేసిన కామెంట్లు వైరల్ అవుతున్నాయి.
అమెరికా అధ్యక్ష ఎన్నికలు : పెన్సిల్వేనియా ప్రైమరీలో ట్రంప్‌కు షాక్ .. నిక్కీహేలీదే విజయం