వీడియో: దత్తత తీసుకోమని దీనంగా అడిగిన పిల్లి.. తర్వాతేమైందో చూస్తే..
సాధారణంగా వీధుల్లో బతికే కుక్కలు, పిల్లులు ఆశ్రయం, ఆహారం, ప్రేమ నోచుకోలేక నరకం అనుభవిస్తాయి.
అయితే కొన్ని కుక్కలు లేదా పిల్లలు మాత్రం యజమానులను వాటంతటవే వెతుక్కుంటాయి.తాజాగా ఒక పిల్లి( Cat ) కూడా దత్తత తీసుకోమని మ్యాట్ రామ్‌సీ( Matt Ramsey ) అనే ఒక ఉద్యోగిని అడిగింది.
అనుకోకుండా ఈ వీధి పిల్లిని కలిసిన సంఘటన గురించి సదరు ఉద్యోగి ట్విట్టర్‌లో తెలియజేశాడు.
ఒక ట్వీట్ థ్రెడ్ స్టార్ట్ చేసి ఆ క్యాట్ గురించి తెలిపాడు.ఇప్పుడు వారిద్దరి స్టోరీ సోషల్ మీడియాలో వైరల్ అవుతోంది.
ఆ ట్వీట్ ప్రకారం, ఆఫీస్ ముందు మామూలుగా మ్యాట్ నడుస్తుండగా ఒక చిన్న పిల్లి అతని చుట్టూ తిరుగుతూ ఆడుకోవడం మొదలుపెట్టింది.
ఆ పిల్లి అతనిని ముద్దాడడం, కళ్లతో చూడడం, అతని కాళ్ళ మీదకు ఎక్కడానికి ప్రయత్నించడం చేసింది.
ఈ అద్భుతమైన క్షణాన్ని కెమెరాలో బంధించి, మ్యాట్ ఆ వీడియాను ఆన్‌లైన్‌లో పోస్ట్ చేశాడు.
"ఇది ఇప్పుడే నా ఆఫీస్ ముందు కనిపించింది.నాకు ఏం చేయాలో తెలియడం లేదు.
" అని రాసుకొచ్చాడు. """/" / తర్వాత ట్వీట్‌లో పిల్లి తాను సిద్ధం చేసిన పెట్టెలో పడుకోకుండా, తన మీదే నిద్రపోయిందని మ్యాట్ రాశాడు.
"అది బాగా నిద్రపోతుంది.పెట్టెలో పెద్దగా నిద్రపోదు, కానీ నా ఛాతీ మీద బాగా పడుకుంటుంది.
" అని ఆయన అన్నాడు.ఈ పిల్లికి ఎగ్స్ వంటి ఆహారం ఇచ్చిన దృశ్యాలను కూడా మ్యాట్ రికార్డ్ చేశాడు.
అతను తన కుక్క స్పైక్‌కి( Spike ) ఆ పిల్లిని పరిచయం చేశాడు.
"ఈ క్యాట్ అరవదు లేదా కొరకదు.కానీ చాలా ఎక్కువగా నాకుతుంది.
ఇప్పుడు నేను బాత్‌టబ్‌లో కూర్చున్నా.పిల్లి బాత్‌టబ్‌లోకి రాదు కాబట్టి దాన్నుంచి ఈ సమయంలో నేను విముక్తి పొందా," అని మ్యాట్ ఫన్నీగా తన మరో ట్వీట్‌లో చెప్పుకొచ్చాడు.
"""/" / మ్యాట్ ఆ పిల్లితో చాలా ఆడుకున్నాక దానిని డాక్టర్‌కు చూపించాలని నిర్ణయించుకున్నాడు.
ఆ పిల్లికి దాదాపు రెండు నెలల వయసు ఉంటుందని, దాని చెవుల్లో ఇన్ఫెక్షన్( Ear Infection ) ఉందని డాక్టర్ చెప్పారు తర్వాత దానికి మందులు ఇచ్చారు.
పిల్లిని ఎలా చూసుకోవాలో డాక్టర్ మ్యాట్‌కి వివరించారు.మ్యాట్ బయటకు వెళ్లి ఆ పిల్లికి ఆడుకునే బొమ్మలు, తినడానికి ఆహారం, నీళ్లు తాగడానికి పాత్రలు కొన్నాడు.
కొన్ని రకాల స్పెషల్ ఫుడ్స్‌ కూడా కొన్నాడు.కానీ ఆ తర్వాత మ్యాట్ పనికి వెళ్ళాడు.
తను ఆ పిల్లిని ఎలా చూసుకుంటున్నాడో రేపు ఫోటోలు పెడతానని చెప్పాడు.ఈ వ్యక్తి ఒక వీధి పిల్లిని తన ఇంటికి తీసుకువెళ్లి ఫ్యామిలీ మెంబర్ లాగా చూసుకోవడం చూసి చాలామంది నెటిజన్లు ఫిదా అవుతున్నారు.
ఆయన ట్వీట్స్‌కు కోటి దాకా వ్యూస్ వచ్చాయి.