ఏపీ వ్యాప్తంగా టీడీపీ నేతల రిలే నిరాహార దీక్షలు
ఏపీ రాష్ట్ర వ్యాప్తంగా టీడీపీ నేతలు రిలే నిరాహార దీక్షలు నిర్వహించనున్నారు.ఈ మేరకు ‘ బాబుతో నేను’ పేరిట ప్రజా చైతన్య కార్యక్రమాలను చేపట్టనున్నారని తెలుస్తోంది.
తమ పార్టీ అధినేత చంద్రబాబు అరెస్టును నిరసిస్తూ ప్రతి నియోజకవర్గ కేంద్రంలో పార్టీ నేతలు ఈ రిలే నిరాహార దీక్షలు చేయనున్నారు.
ఈ నేపథ్యంలో రోజుకు ఒక మండలం చొప్పున అన్ని మండలాల నాయకులతో నియోజకవర్గ కేంద్రంలో నిరాహార దీక్ష శిబిరాన్ని ఏర్పాటు చేస్తున్నారు.
ఈ క్రమంలోనే చంద్రబాబు అరెస్టుపై నిరాహార దీక్ష శిబిరాల్లో ప్రజల నుంచి అభిప్రాయాలను సేకరించనున్నారు.
అయితే స్కిల్ డెవలప్ మెంట్ స్కాం కేసులో చంద్రబాబును సీఐడీ పోలీసులు అరెస్ట్ చేసిన సంగతి తెలిసిందే.
