తెలుగులో ప్రముఖ దర్శకుడు కె.రాఘవేంద్రరావు దర్శకత్వం వహించిన “గంగోత్రి” చిత్రంలో హీరో అల్లు అర్జున్ తల్లి పాత్రలో నటించి ప్రేక్షకులని బాగానే అలరించిన సీనియర్ హీరోయిన్ మరియు నటిసీత గురించి తెలుగు సినీ ప్రేక్షకులకు కొత్తగా పరిచయం చేయాల్సిన అవసరం లేదు.
అయితే ఈమె అప్పట్లో హీరోయిన్ గా దాదాపుగా అందరి సీనియర్ హీరోల సరసన నటించగా ప్రస్తుతం వయసు మీద పడటం తో క్యారెక్టర్ ఆర్టిస్ట్ పాత్రలకే పరిమితమైంది.అయితే తెలుగులో 1986 సంవత్సరంలో “ఆడదే ఆధారం” అనే చిత్రం ద్వారా తెలుగు సినిమా పరిశ్రమకి సీత హీరోయిన్ గా పరిచయం అయింది.
దాంతో తమిళం, కన్నడ, మలయాళం, హిందీ, తదితర భాషలలో నటించే అవకాశాలను దక్కించుకుంది. ఈ క్రమంలో మొదట్లో సినిమా పరిశ్రమకు చెందిన వ్యక్తిని పెళ్లి చేసుకున్నప్పటికీ ఇద్దరి మధ్య విభేదాలు రావడంతో కొంతకాలం తర్వాత పరస్పర అంగీకారంతో విడాకులు తీసుకున్నారు.
దాంతో సీత సాఫ్ట్ వేర్ రంగంలో కీలక బాధ్యతలు చేపట్టిన మరో వ్యక్తిని మళ్లీ పెళ్లి చేసుకుంది.ఇటీవలే తన పెద్ద కూతురు పెళ్ళిని కూడా ఘనంగా చేసింది.
అయితే ఒకప్పుడు తన సినిమాలతో హీరోయిన్ గా బాగానే ఆకట్టుకున్న సీత ప్రస్తుతం సినిమా అవకాశాలు లేక ఇంటి పట్టునే ఖాళీగా ఉంటోంది.అయితే చివరిగా తెలుగులో జూనియర్ ఎన్టీఆర్ హీరోగా నటించిన “రభస” అనే చిత్రంలో హీరోయిన్ తల్లి పాత్రలో నటించింది.
ప్రస్తుతం నటి సీత తన కుటుంబ సభ్యులతో కలిసి కర్నాటకలోని బెంగళూరులో ఉన్నట్లు సమాచారం.