తెలుగు బిగ్బాస్ నుండి మొన్న ఆదివారం దివి ఎలిమినేట్ అయిన విషయం తెల్సిందే.సమంత హోస్టింగ్ చేసిన దసరా స్పెషల్‌ ఎపిసోడ్‌లో దివి ఎలిమినేట్ అవ్వడం ఆమె అభిమానులకు మరియు బిగ్బాస్ అభిమానులకు కూడా నిరాశ కలిగించింది.
దసరా పండుగ రోజు అంతా సందడిగా ఉన్న సమయంలో ఆమెను ఎలిమినేట్ చేయడం వల్ల ఇంటి సభ్యులు కూడా నిరాశ వ్యక్తం చేశారు.ఎలిమినేట్ అయిన దివి ఆ తర్వాత ఒక టీవీ ఛానెల్‌కు ఇచ్చిన ఇంటర్వ్యూలో బయట ఇంత ఫాలోయింగ్‌ తనకు క్రియేట్‌ అయ్యిందనే విషయం నాకు తెలియదు.
నటిగా నేను ఇప్పటి వరకు చాలానే చేశాను.కాని బిగ్ బాస్ అనేది నాకు జీవితంలో మంచి అవకాశం అంటూ దివి పేర్కొంది.
బిగ్బాస్ హౌస్‌లో దివి కేవలం అమ్మ రాజశేఖర్‌తోనే ఆట ఆడినట్లుగా అనిపించింది.వారిద్దరు ఎక్కువగా కలిసి ఉన్నారు.అందుకే వారిద్దరిని ప్రేక్షకులు పంపించే ఉద్దేశ్యంతో ఆమెను ఎలిమినేట్ చేశారు అంటూ ప్రచారం జరుగుతుంది.ఆ విషయంలో మీరు ఏమంటారు అంటూ దివిని ప్రశ్నించగా అందుకు ఆమె సమాధానం చెబుతూ నేను వెంటనే ఎవరితో కలవలేను.
కొన్ని కారణాల వల్ల వెంటనే అమ్మ గారితో కలిశాను.ఆయన నాపట్ల చూపించిన కేరింగ్‌ విషయంకు నేను ఫిదా అయ్యాను.
అందుకే ఎక్కువగా ఆయనతో ఉన్న మాట వాస్తవం అంటూ దివి చెప్పుకొచ్చింది.నాకు సినిమాలో ఆఫర్లు వస్తాయని వెయిట్ చేస్తున్నాను.
సమంత గారి హోస్టింగ్‌లో సెండాఫ్‌ తీసుకోవడం బాగానే అనిపించింది.కాని ఇంకొన్ని రోజులు ఉంటే బాగుండు అని ఇప్పుడు అనిపిస్తుంది.
మొత్తానికి బిగ్ బాస్ అనేది లైఫ్‌ టైమ్‌ మెమోరీ అంటూ చెప్పుకొచ్చింది.ఇక మోనాల్‌ విషయంలో క్లారిటీ లేదంటూ వ్యాఖ్యలు చేసిన దివి.
అభిజిత్‌కు కాస్త ఓవర్‌ కాన్ఫిడెన్స్‌ అంటూ వ్యాఖ్యలు చేసింది.
