ఆపండి ఆపండి : నాలుగు తరువాత మూగబోనున్న మైకులు  

ఇప్పటి వరకు ఎన్నికల ప్రచారంతో చెవులు చిల్లులు పడేలా హోరెత్తిన మైకుల సౌండ్ ఇక మూగబోయే సమయం వచ్చేసింది. పోలింగ్ తేదీ అతి దగ్గరకు వచ్చెయ్యడంతో… బుధవారం సాయంత్రంతో ఎన్నికల ప్రచారానికి పుల్‌స్టాప్ పడనుంది. అన్ని నియోజకవర్గాల్లో బుధవారం సాయంత్రం నుంచి బహిరంగ సభలు నిషేధం. 13 నియోజకవర్గాల్లో బుధవారం సాయంత్రం 4 గంటలకే ప్రచారం ముగియనుంది.

Telangana Electoral Commission Limits On Election Campaign-

Telangana Electoral Commission Limits On Election Campaign

సిర్పూర్, చెన్నూరు, బెల్లంపల్లి, మంచిర్యాలలో సాయంత్రం నాలుగు గంటల నుంచే నిషేధం అమల్లోకి రానున్నట్టు తెలంగాణ ఎన్నికల అధికారి రజత్‌కుమార్ తెలిపారు. నిబంధనలను జిల్లా ఎన్నికల అధికారులు కచ్చితంగా అమలు చేయాలి. పోలింగ్ జరిగే ప్రాంతంలో వినోద కార్యక్రమాలకు అనుమతి లేదన్నారు. నిబంధనలు ఉల్లంఘిస్తే రెండేళ్ల వరకు జైలు శిక్షకు గురికావాల్సిందే అని రజత్ హెచ్చరించారు.