మొబైల్ స్మార్ట్ ఫోన్ రంగంలో సంచలనం అయిన యాపిల్ కంపెనీలో ఉద్యోగం అంటే ఎవరికైనా సరదా ఉంటుంది.ఇక ప్రపంచంలోనే అత్యధిక భద్రత ఉండే ఫోన్స్ కూడా యాపిల్ అనే విషయం అందరికి తెలిసిందే.
అందుకే ఆ కంపెనీ ప్రొడక్ట్స్ ఖరీదు కూడా వేలు, లక్షల్లో ఉంటాయి.అయినా కూడా యాపిల్ ప్రొడక్ట్స్ వాడటానికి అందరూ ఆసక్తి చూపిస్తారు.
ఇదంతా ఇప్పుడు ఎందుకని అంటే యాపిల్ కంపెనీలో ఉద్యోగం కోసం ఓ 17 ఏళ్ల కుర్రాడు ఎవరు చేయని సాహసం చేసాడు.అయితే ఆ కుర్రాడికి ఉద్యోగం రాలేదు సరికదా ఇప్పుడు చేసిన పనికి జైల్లో ఉన్నాడు.
ఆస్ట్రేలియాలోని మెల్‌బోర్న్‌కు చెందిన 17 ఏళ్ల కుర్రాడు యాపిల్ సర్వర్లను హ్యాక్ చేశాడు.2015లో ఒకసారి యాపిల్ సర్వర్లను హ్యాక్ చేయగా మళ్ళీ 2017లో ఓ సారి హ్యాక్ చేసాడు.దీంతో కంపెనీ ఎఫ్‌బీఐ‌ని ఆశ్రయించింది.ఎఫ్‌బీఐ ఆస్ట్రేలియా ఫెడరల్ పోలీస్ శాఖను సంప్రదించగా, ఆస్ట్రేలియా పోలీసులు ఆ కుర్రాడిని అరెస్ట్ చేసారు.అయితే యాపిల్ కంపెనీలో ఉద్యోగం సంపాదించడం కోసమే తాను ఈ పని చేసినట్టు పోలీసులకు చెప్పి షాక్ ఇచ్చాడు.ఇదిలా ఉంటే.
కుర్రాడు ఎటువంటి తప్పుచేయలేదని అతని తరపున లాయరు కోర్టులో వాదించాడు.యూరోప్‌లో ఇలాంటి ఘటనే జరిగితే యాపిల్ కంపెనీ హ్యాక్ చేసిన కుర్రాడికి ఉద్యోగం ఇచ్చిందని.
ఆ ఉద్దేశంతోనే ఇతను కూడా హ్యాకింక్‌కు పాల్పడ్డాడని లాయర్ చెప్పుకొచ్చాడు.అయిన కూడా చేసింది నేరం కాబట్టి కోర్ట్ ఆ కుర్రాడికి 500 డాలర్ల జరిమానా విధించి, తొమ్మిది నెలల పాటు కోర్టు పర్యవేక్షణ ఉంచింది.
