స్కూల్ పిల్లలు ఏదైనా తప్పు చేస్తే సాధారణంగా టీచర్లు బెత్తంతో కొట్టడమో లేక గుంజీలు తీయించడమో , లేక క్లాస్ లో నిలబెట్టడమే చేస్తుంటారు.ఇది సర్వ సాధారణంగా అన్ని స్కూళ్లల్లో విద్యర్థులకు వేసే శిక్ష.
అయితే ప్రాధమిక పాఠశాలలో చదువుతున్న పిల్లలచేత సిగరెట్ తాగించాడు ఓ ప్రధాన ఉపాధ్యాయుడు.పదకొండు మంది విద్యార్థులకు శిక్ష వేసేందుకు వారిచేత బలవంతంగా సిగరెట్ తాగించాలని నిర్ణయించాడు.
ఆటస్థలంలో 11 మంది విద్యార్థులను లైన్గా నుంచోబెట్టారు.ఆ తర్వాత వారిని హెడ్మాస్టర్ గదికి లాక్కెళ్లారు.అక్కడ పనిష్మెంటుగా వారిని సిగరెట్ తాగమన్నారు.వారు సిగరెట్ తాగుతుంటే వారిని చూసి పక్కనేఉన్న కొంతమంది ఇతర విద్యార్థులు నవ్వుతున్నారు.ఈ సంఘటన ఇండోనేషియాలోని ఉత్తర జావ ప్రాంతంలోని ఓ పాఠశాలలో చోటుచేసుకొంది.
ఆ హెడ్ మాస్టర్ పేరు తాటి మాలేటీగా గుర్తించారు.పిల్లలు సిగరెట్ తాగుతూ గుప్పుగుప్పున పొగవదులుతుంటే అక్కడే ఉన్న ఒక టీచర్ వీడియో చిత్రీకరించాడు.ఈ వింత శిక్షకు సంబంధించన వీడియో సోషల్ మీడియాలో వైరల్ కావడంతో పిల్లల తల్లిదండ్రులు హెడ్మాస్టర్పై చర్యలు తీసుకోవాలని డిమాండ్ చేస్తున్నారు.
.