ఆ టీడీపీ నేతలు భయపడుతున్నారా ? కారణం ఏంటి ?

గత టీడీపీ ప్రభుత్వంలో చక్రం తిప్పిన నాయకులు తమకు కావాల్సిన అన్ని రకాల పనులు చక చక చేయించుకున్నారు.కేబినెట్‌లో మంత్రి పదవుల నుంచి చంద్రబాబు సలహాలు ఇచ్చే వరకు మొత్తం వ్యవహారాలన్నీ ఆ సామాజిక వర్గానికి చెందిన నాయకులే చక్కబెట్టారు.ముఖ్యంగా కృష్ణా, గుంటూరు, పశ్చిమ గోదావరి జిల్లాల్లో ఈ సామాజిక వర్గం హవా బాగా ఎక్కువగా కనిపించింది.

చంద్రబాబు ఆదేశాలను కూడా ఒక దశలో పక్కన పెట్టి పూర్తిగా తమ ఎజెండానే అమలు చేసిన సదరు నాయకులు ఆయా నియోజకవర్గాల్లో బలమైన శక్తిగా మారి మరో నేతను ఎదగకుండా చేశారు.పార్టీని ఈ రేంజ్ లో వాడుకుని పదవులు, ఆస్తులు బాగా వెనకేసుకున్నారు.

ప్రస్తుతం పార్టీ ప్రతిపక్షంలో ఉండడంతో పార్టీని తిరిగి బలోపేతం చేసేందుకు, క్యాడర్ లో ధైర్యం నింపేందుకు ఏ మాత్రం సిద్ధం అవుతున్నట్టు కనిపించడంలేదు.అధికార పక్షం దూకుడు ప్రదర్శిస్తూ విపక్షం టీడీపీ పై తీవ్ర స్థాయిలో ఆరోపణలు చేస్తున్నా వాటిని ఖండించేందుకు, కౌంటర్లు ఇచ్చేందుకు ఆ సామజిక వర్గానికి చెందిన నాయకులు ఏ ఒక్కరైనా బయటకు రాకపోవడం అధినేత చంద్రబాబు ని ఆలోచనలో పడేసిందట.

ఎంత చేసినా ఇంతేనా అంటూ బాబు నాయకుల తీరుపై ఆవేదనగా ఉన్నాడట.గుంటూరులో అన్నీ తానై చక్రం తిప్పిన యరపతినేని శ్రీనివాసరావు కానీ, వినుకొండ నుంచి వరుస విజయాలు సాధించి ప్రస్తుత ఎన్నికల్లో ఓటమి చెందిన జీవీ ఆంజనేయులు, పొన్నూరు నుంచి ఐదుసార్లు గెలిచి ఓడిన ధూళిపాళ్ల నరేంద్ర కుమార్‌ , చిలకలూరిపేట నుంచి ఓడిన మాజీ మంత్రి ప్రత్తిపాటి పుల్లారావు , పశ్చిమ గోదావరిలో వివాదాస్పద నేతగా గుర్తింపు పొందిన చింతమనేని ప్రభాకర్‌, ఏలూరు ఎంపీగా ఓడిన మాగంటి బాబు ఇలా చెప్పుకుంటూ పోతే చాలామంది నాయకులు ఇప్పుడు బయటకి వచ్చేందుకు జంకుతూనే ఉన్నట్టు కనిపిస్తోంది.

.