అమెరికాలో అతిపెద్ద తెలుగు సంఘం ఉత్తర అమెరికా తెలుగు సంఘం (తానా) అని ప్రత్యేకించి చెప్పనవసరం లేదు.కేవలం అమెరికాలో మాత్రమే కాదు యావత్ ప్రపంచ వ్యాప్తంగా ఉన్న తెలుగు సంఘాలలో అతి పెద్ద తెలుగు సంఘం తానానే.
ప్రస్తుతం అమెరికాలో తానా ఎన్నికల హడావిడి హోరాహోరీగా ఉంది.గతంలో తానా ఎన్నికలు ఏక పక్షంగా అందరూ కలిసి ఒక వ్యక్తిని ఎంపిక అతడిని తానా అధ్యక్షుడిగా ప్రకటించే వారు కానీ ప్రస్తుతం సీన్ రివర్స్ అయ్యింది.
ఈ సారి ఎన్నికలు ఏకపక్షంగా జరగడానికి వీలు లేదని ఎన్నికలు జరగాల్సిందేనని పట్టుబడ్డారు.దాంతో ఎన్నికలు పెట్టక తప్పలేదు.
తానాలో ఓట్ల ద్వారా అభ్యర్ధులను ఎన్నికోవడం మొదటి సారిగా పెట్టడంతో సర్వాత్రా ఆసక్తి నెలకొంది.అధ్యక్ష బరిలో నిలిచిన ఇద్దరు అభ్యర్ధులు నువ్వా నేనా అన్నట్టుగా పోటీలు పడటమే కాకుండా ప్రచారం ముమ్మరం చేశారు.
తానా లో సభ్యులుగా ఉంటూ ప్రస్తుతం ఎన్నికల్లో ఓట్లు వేసేవారు 34వేల మంది ఉన్నారని.వీరందరూ దాదాపు 18వేల కుటుంభాలకు చెందిన వారని తెలుస్తోంది.ఈ ఓటర్లు అందరికి ఈ నెల 15వ తేదీ నుంచీ బ్యాలెట్ పత్రాలను పోస్టల్ ద్వారా పంపుతామని, మార్చ్ 25 నాటికి ఓటర్లు అందరికి బ్యాలెట్ ఓట్లు చేరుతాయని, తానా ఎన్నికల నిర్వహణ అధికారి తెలిపారు.
మే 28 వరకూ తానా ఓటర్ సభ్యుల నుంచీ బ్యాలెట్ పత్రాలను తీసుకుంటామని బ్యాలెట్ పాత్రాల ఓట్ల లెక్కింపును సియాటెల్ లో ఓ సంస్థకు అప్పగించామని సదరు సంస్థ ఆధ్వర్యంలో ఓట్ల లెక్కింపు జరుగుతుందని నిర్వాహకులు తెలిపారు.
మే 29 ఉదయం నుంచీ ఓట్ల లెక్కింపు జరుగుతుందని, సాయంత్రానికి ఫలితాలు వెల్లడిస్తామని తెలిపారు మొదటి సారి ఓటింగ్ ద్వారా అధ్యక్షుడిని ఎన్నుకునే ప్రక్రియను మొదలుపెట్టమని ఫలితాలు నిస్పక్షపాతంగా ఉంటాయని తానా ఎన్నికల నిర్వాహకులు తెలిపారు
.