తమిళంలో సూపర్ హిట్ అయిన ‘సూదు కవ్వం’ సినిమాను హీరో రాజశేఖర్ తెలుగులో రీమేకÊ చేసిన విషయం తెల్సిందే.‘గడ్డం గ్యాంగ్’ పేరుతో రాజశేఖర్ ఈ సినిమాను కొన్ని నెలల క్రితం విడుదల చేశాడు.
అయితే ఈ సినిమా వచ్చిన సంగతి అందరికి తెలిసే లోపు థియేటర్లలోంచి వెళ్లిపోయింది.కొన్ని థియేటర్లలో కనీసం రెండు మూడు రోజులు కూడా ఆడలేదు అంటే అతిశయోక్తి కాదు.
ఇంతటి డిజాస్టర్ అయిన ఈ సినిమాను రీమేక్ చేసేందుకు సన్నాహాలు చేస్తున్నారు.
‘గడ్డం గ్యాంగ్’ సినిమా కథాంశం అనేది కొత్తది మరియు అన్ని వర్గాల ప్రేక్షకులను ఆకట్టుకునేది.
కాని రాజశేఖర్ అండ్ గ్యాంగ్ ఆ కథను కూనీ చేసి వదిలారు.దాంతో ‘గడ్డం గ్యాంగ్’ అట్టర్ ఫ్లాప్ అయ్యింది.
అయితే దీన్ని సరిగ్గా తీస్తే తప్పకుండా విజయం సాధిస్తుందనే నమ్మకం ఉంది.తమిళంలో సక్సెస్ అయిన ఈ సినిమాను బాలీవుడ్లో రీమేక్ చేసేందుకు ఏర్పాట్లు చేస్తున్నారు.
ప్రముఖ నిర్మాత రాక్ లైన్స్ వెంకటేష్ ఈ సినిమాను బాలీవుడ్ ప్రేక్షకుల ముందుకు తీసుకు వెళ్లేందుకు సిద్దం అవుతన్నాడు.ఈయన ‘లింగ’, ‘పవర్’ వంటి సినిమాలు సౌత్ ప్రేక్షకులకు అందించాడు.
ప్రస్తుతం బాలీవుడ్లో సల్మాన్ ఖాన్తో సినిమా నిర్మిస్తున్నాడు.ఇక ఈ రీమేక్కు రోహిత్ శెట్టి దర్శకత్వంలో రాక్లైన్ వెంకటేష్ నిర్మించనున్నాడు.
మరి ఈ తెలుగు అట్టర్ ఫ్లాప్ ఫిల్మ్ బాలీవుడ్లో ఎలాంటి ఫలితాన్ని ఇస్తుందో చూడాలి.