‘ఏమాయ చేశావే’ చిత్రంతో తెలుగు ప్రేక్షకుల ముందుకు వచ్చిన ముద్దుగుమ్మ సమంత మొదటి చిత్రంతోనే మంచి విజయాన్ని సొంతం చేసుకుంది.అందంతో పాటు, అభినయంతో ఆకట్టుకునే సమంత ఆ తర్వాత వరుసగా స్టార్ హీరోల సరసన నటించే అవకాశాలు దక్కించుకుంది.
తెలుగులో సమంత మెల్ల మెల్లగా స్టార్ హీరోయిన్ అయ్యింది.కెరీర్ ఆరంభంలో మూడు నాలుగు సినిమాలు మినహా ఆ తర్వాత నటించిన అన్ని సినిమాలకు కూడా కోటికి పైగానే పారితోషికంను సమంత అందుకుంటూ వస్తోంది.
కొన్ని సినిమాలకు రెండు కోట్లు అంతకు మించి కూడా తీసుకున్నట్లుగా పుకార్లు షికార్లు చేస్తూ వచ్చింది.సమంతకు మనీ మేనేజ్మెంట్ బాగా తెలుసని, అందుకే ఆమె ఎప్పటికప్పుడు తన పారితోషికంగా వచ్చిన డబ్బును వృదా చేయకుండా ఆస్తులు కొంటూ వచ్చిందని సినీ వర్గాల వారు అంటున్నారు.హైదరాబాద్, వైజాగ్ మరియు అమరావతిలో సమంతకు ల్యాండ్స్ ఉన్నాయనేది ఇండస్ట్రీలో ఉన్న టాక్.చెన్నైలో కూడా పలు ప్రాంతాల్లో భూములను ఈమె కొనుగోలు చేసినట్లుగా గుసగుసలు వినిపిస్తున్నాయి.
తెలుగు రాష్ట్రాల ఆస్తుల విలువ కడితే వంద కోట్లకు పైగా ఉంటాయని, సమంత ఇప్పటి వరకు వచ్చిన పారితోషికం, బ్రాండ్స్కు అంబాసిడర్గా వ్యవహరించిగా వచ్చిన పారితోషికాలు అన్ని కలిపి వంద కోట్లకు లోపు వచ్చినా కూడా, సమంత వాటిని సరిగా ఇన్వెస్ట్ చేయడంతో అవి కాస్త వంద కోట్లకు పైగా అయ్యాయి అనేది సినీ వర్గాల వారి వాదన.ఇండస్ట్రీలో ఎంతో మంది హీరోయిన్స్ ఉన్నారు.కాని వారెవ్వరు కూడా ఈస్థాయిలో సంపాదించలేదు అనేది ఎక్కువ శాతం మంది వాదన.ఇక అక్కినేని నాగచైతన్యను పెళ్లి చేసుకున్న తర్వాత సమంత ఆస్తి మరింతగా పెరిగినట్లయ్యింది.