అక్కినేని ఫ్యామిలీ నుండి వచ్చిన యంగ్ హీరో సుశాంత్ చేసిని సినిమాలు పెద్దగా సక్సెస్ కాలేదు.దీంతో కాస్త గ్యాప్ తీసుకుని అల వైకుంఠపురములో సినిమాలో నటించి మంచి సక్సెస్ అందుకున్నాడు.
అయితే ఆ సినిమాలో సుశాంత్ సెకండ్ హీరోలాగా చేశాడు.కాగా తన నెక్ట్స్ మూవీని ఇప్పటికే లాంఛ్ చేసిన సుశాంత్, దానిని రిలీజ్ చేసేందుకు రెడీ అవుతున్నాడు.
ఇప్పటికే మెజారిటీ శాతం షూటింగ్ పూర్తి చేసుకున్న ఈ సినిమా త్వరలో రిలీజ్కు రెడీ అయ్యింది.ఈ సినిమాను ఔట్ అండ్ ఔట్ యూత్పుల్ ఎంటర్టైనర్గా చిత్ర యూనిట్ రూపొందిస్తుంది.
కాగా నేడు సుశాంత్ పుట్టిన రోజును పురస్కరించుకుని చిత్ర యూనిట్ ఓ చిన్న టీజర్ను వదిలారు.ఇందులో కొత్త బైకుతో సుశాంత్ ఎంట్రీ బాగుంది.నో పార్కింగ్ బోర్డు వద్ద అతడు బండిని పార్క్ చేసే విధానం మనకు ఇందులో చూపించగా, ఆ తరువాత పలు యాక్షన్ సీన్లకు సంబంధించినవి చూపించారు.
సుశాంత్ హీరోగా మీనాక్షి చౌదరి హీరోయిన్గా తెరకెక్కుతున్న ఈ సినిమాను దర్శన్ డైరెక్ట్ చేస్తున్నాడు.
ఈ సినిమాను అతి త్వరలో రిలీజ్ చేయడానికి చిత్ర యూనిట్ ప్లాన్ చేస్తోంది.