తమిళ స్టార్ హీరో సూర్య నటిస్తున్న లేటెస్ట్ మూవీ ‘ఆకాశమే నీ హద్దురా’ ఎప్పుడో షూటింగ్ ముగించుకుని రిలీజ్కు రెడీ అయ్యింది.అయితే కరోనా కారణంగా సినిమా థియేటర్లు మూతపడటంతో ఈ సినిమా రిలీజ్ వాయిదా పడింది.
ఇక ఈ సినిమాను నేరుగా ఓటీటీలో రిలీజ్ చేసేందుకు సూర్య ఆసక్తి చూపడంతో ఈ సినిమాను ఎప్పుడెప్పుడు రిలీజ్ చేస్తారా అని అందరూ ఆసక్తిగా ఎదురుచూస్తున్నారు.కాగా ఈ సినిమాను దీపావళి కానుకగా నవంబర్ 12న అమెజాన్ ప్రైమ్ వీడియోలో రిలీజ్ చేస్తున్నట్లు చిత్ర యూనిట్ ప్రకటించింది.
తాజాగా ఈ సినిమాకు సంబంధించిన ట్రైలర్ను చిత్ర యూనిట్ రిలీజ్ చేసింది.ఈ ట్రైలర్ చూస్తుంటే సూర్య ఈ సినిమాతో మరో విజయాన్ని తన ఖాతాలో వేసుకోవడం ఖాయమని తెలుస్తోంది.
సామాన్యులకు విమానయానం అందుబాటులోకి తెచ్చేందుకు ఓ వ్యక్తి చేసే ప్రయత్నమే ఈ సినిమా కథ అని మనకు ట్రైలర్ చూస్తే ఇట్టే అర్థమవుతోంది.కాగా ఎయిర్ డెక్కన్ వ్యవస్థాపకుడు జీఆర్ గోపీనాథ్ జీవితకథ ఆధారంగా ఈ సినిమాను దర్శకురాలు సుధా కొంగర తనదైన తీరులో తెరకెక్కించారు.
ఇక ఈ సినిమాలో సూర్య నటన, ఆయన పండించిన ఎమోషన్స్ సినిమాను మరో లెవెల్కు తీసుకెళ్లనున్నట్లు ట్రైలర్ చూస్తే తెలుస్తోంది.
మొత్తానికి ఈ సినిమాతో సూర్య మరోసారి అదిరిపోయే హిట్ అందుకోవడం ఖాయమని చిత్ర యూనిట్ ధీమా వ్యక్తం చేస్తోంది.
పేదలకు కూడా విమానయానం అందుబాటులోకి తెచ్చే ప్రయత్నంలో సూర్య ఎలాంటి ఛాలెంజ్లను ఎదుర్కొన్నాడు అనేది ఈ సినిమా కథగా ఉండనుంది.సుధా కొంగర ఈ సినిమాతో తన సక్సె్స్ ట్రాక్ కంటిన్యూ చేస్తుందని చిత్ర వర్గాలు అంటున్నాయి.
కాగా ఈ సినిమాలో సూర్య సరసన అపర్ణ బాలమురళి హీరోయిన్గా నటిస్తోండగా, పలువురు నటీనటులు ఈ సినిమాలో ముఖ్య పాత్రలు పోషిస్తున్నారు.ఈ సినిమాను సూర్య స్వయంగా ప్రొడ్యూస్ చేస్తుండగా జీవి ప్రకాష్ ఈ సినిమాకు బాణీలు అందిస్తున్నాడు.