మొదట కమేడియన్ గా కెరీర్ ను ప్రారంభించి… హీరోగా మారిన సునీల్… ఆచితూచి సినిమాలను ఒప్పుకుంటూ ముందుకు వెళుతున్నాడు.తడఖా సినిమా తరువాత చాలా గ్యాప్ తీసుకుని ‘కృష్ణాష్టమి’ చేశారు.
ఈ సినిమా సునీల్ కు నిరాశే మిగిల్చింది.ఈ సినిమా తరువాత సునీల్ మరో సినిమాను శరవేగంగా పూర్తి చేస్తున్నాడు.
ఈ చిత్రం షూటింగ్ కూడా దాదాపు పూర్తి కావొచ్చింది.సమ్మర్ లోనే ఈ సినిమాను ప్రేక్షకుల ముందుకు తీసుకురావాలని నిర్మాత భావిస్తున్నాడు.
వంశీ ఆకెళ్ల దర్శకత్వంలో సునీల్ – మోనాలి చోప్రా జంటగా ‘ప్రేమకథా చిత్రమ్’ నిర్మాతగా ఓ సినిమా తెరకెక్కింది.ఈ సినిమా టైటిల్ ను ఈ రోజు ఉదయం పదిన్నర గంటలకు ప్రసాద్ ల్యాబ్ లో ప్రకటించనున్నారు.
ఈ చిత్రం టైటిల్ ‘జక్కన్న’గా నిర్ణయించినట్టు తెలిసింది.ఈ టైటిల్ ను చిత్రం బృందం అఫిషియల్ గా అనౌన్స్ చేయనుంది.
రాజమౌళి తో మర్యాద రామన్న చేసిన సునీల్ జక్కన్న ని ఈ రేంజ్ లో వాడేస్తున్నాడు అన్న మాట.
