కమర్షియల్ దర్శకుడు పూరి జగన్నాథ్ ప్రస్తుతం విజయ్ దేవరకొండతో ఫైటర్ సినిమా చేస్తున్నాడు.ఈ సినిమా షూటింగ్ సగం ఇప్పటికే కంప్లీట్ అయ్యింది.
లాక్ డౌన్ ఎఫెక్ట్ తో వాయిదా పడ్డ సినిమా మరల రీ షెడ్యూల్ చేస్తున్నారు.త్వరలో సెట్స్ పైకి వెళ్లే అవకాశం ఉంది.
ఇందులో విజయ్ దేవరకొండకి జోడీగా బాలీవుడ్ బ్యూటీ అనన్యా పాండే నటిస్తుంది.ఇదిలా ఉంటే పాన్ ఇండియా రేంజ్ లో ఈ సినిమాని పూరి జగన్నాథ్ తెరకెక్కిస్తున్న సంగతి తెలిసిందే.
ఈ నేపధ్యంలో బాలీవుడ్ ఆడియన్స్ కి కూడా కనెక్ట్ అయ్యే విధంగా యూనివర్శల్ కాన్సెప్ట్ తీసుకోవడంతో పాటు దానికి తగ్గట్లే హంగులు కూడా సమకూర్చుతున్నారు.ఫైటర్ సినిమాలో కీలక పాత్రల కోసం బాలీవుడ్ నటులని ఎంపిక చేస్తున్నారు.
ఈ నేపధ్యంలో తాజాగా పూరి జగన్నాథ్ ఫైటర్ కోసం బాలీవుడ్ హీరో సునీల్ శెట్టిని రంగంలోకి దించుతున్నట్లు తెలుస్తుంది. సినిమాలో ప్రధాన పాత్ర కోసం బాలీవుడ్ హీరో సునీల్ శెట్టిని దించనున్నాడు.
దీనికి సునీల్ ఇప్పటికే అంగీకారం కూడా తెలిపాడని సమాచారం.డాన్గా కనిపించే సునీల్ పాత్ర ఈ సినిమాకు కీలకంగా ఉంటుందని సమాచారం.
ఇదిలా ఉంటే బాక్సింగ్ నేపధ్యంలో తెరకెక్కుతున్న ఈ సినిమాకి పూరి తనకి అలవాటైన మాఫియా టచ్ ఇస్తున్నాడు.ఇస్మార్ట్ శంకర్ తో ఊపులోకి వచ్చిన పూరికి ఈ సినిమా పాన్ ఇండియా రేంజ్ లో కమర్షియల్ హిట్ ఇస్తుందా లేదా అనేది ఇప్పుడు ఆసక్తికరంగా మారింది.
ఛార్మి, కరణ్ జోహార్ సంయుక్తంగా ఈ సినిమాని నిర్మిస్తున్నాడు.బాలీవుడ్ ప్రేక్షకులని తన కథలతో ఇప్పటికే బుట్టలో వేసుకున్న పూరి ఈ సినిమాతో మరోసారి వేసుకోవడానికి రెడీ అవుతున్నాడు అనే టాక్ వినిపిస్తుంది.
.