ఇటీవల ఎడతెరిపి లేకుండా కురిసిన వర్షాల వల్ల కర్నూలు జిల్లాలో వాగులు పొంగిపొర్లుతున్నాయి.దీంతో జిల్లాలో పట్టణాలు, గ్రామాలు నీట మునిగాయి.
తుమ్మల వాగు ఉధృతంగా ప్రవహించడంతో హెచ్.పీ గ్యాస్ లారీ వాగులో చిక్కుకుపోయింది.
ఈ క్రమంలో లారీ డ్రైవర్ నీ తాళ్లతో రక్షించారు స్థానికులు.ఎడతెరిపి లేకుండా కురిసిన వర్షాల వల్ల వాగులు ఉద్ధృతంగా ప్రవహిస్తూ ఉండటంతో రాకపోకలకు తీవ్ర అంతరాయం కలుగుతోంది.
జిల్లాలో రోడ్లు చెరువుల మారిపోయాయిలోతట్టు ప్రాంతాలు జలమయమయ్యాయి.దీంతో చాలావరకు వరద నీరు ఇళ్లలోకి చేరడంతో స్థానికులు అనేక ఇబ్బందులు ఎదుర్కొంటున్నారు.ఎటు వెళ్ళాలో తెలియక భయంతో ప్రాణాలను అరచేతిలో పెట్టుకుని బతుకుతున్నారు.వర్షాలకు మంత్రాలయం కూడా పూర్తిగా నీట మునిగింది.
రాఘవేంద్ర సర్కిల్ జలమయమైంది.జిల్లా వ్యాప్తంగా కురుస్తున్న భారీ వర్షాలకు అధికారులు అప్రమత్తమయ్యారు.
దీంతో లోతట్టు ప్రాంతాల్లో ఉన్న ప్రజలను సురక్షిత ప్రాంతాలకు తరలిస్తున్నారు.
