యంగ్ హీరో శర్వానంద్ నటించిన లేటెస్ట్ మూవీ శ్రీకారం మహాశివరాత్రి కానుకగా నిన్న ప్రపంచవ్యాప్తంగా మంచి అంచనాల నడుమ రిలీజ్ అయిన సంగతి తెలిసిందే.ఈ సినిమాను కొత్త దర్శకుడు బి.
కిషోర్ తెరకెక్కించడంతో ఈ సినిమా ఎలా ఉండబోతుందా అనే ఆసక్తి అందరిలో నెలకొంది.ఇక ఈ సినిమాను పూర్తి విలేజ్ బ్యాక్‌డ్రాప్‌లో తెరకెక్కించడం, ఈ సినిమా ప్రమోషన్స్‌కు స్టార్స్ కలిసి రావడంతో ఈ సినిమాపై మంచి అంచనాలు క్రియేట్ అయ్యాయి.
ఇక రిలీజ్ రోజునే ఈ సినిమాకు మంచి పాజిటివ్ టాక్ రావడంతో ఈ సినిమాను చూసేందుకు ఆడియెన్స్ ఆసక్తిని చూపించారు.ముఖ్యంగా మార్నింగ్ షోలు వెలవెలబోయిన ఈ సినిమా థియేటర్ల వద్ద మ్యాట్నీ షో నుండి జనాల రద్దీ బాగానే కనిపించింది.దీంతో ఈ సినిమా తొలిరోజు రెండు తెలుగు రాష్ట్రాల్లో ఏకంగా రూ.4.07 కోట్ల మేర షేర్ వసూళ్లు రాబట్టింది.సెలవు దినం కావడం, పోటీలో మరో సినిమా ఉన్నా కూడా ఈ సినిమాను చూసేందుకే జనం ఆసక్తిని చూపించినట్లు ఈ చిత్ర వసూళ్లు చూస్తే తెలుస్తోంది.
శర్వానంద్ యాక్టింగ్‌కు అందాల భామ ప్రియాంక ఆరుల్ మోహన్ అందం, అభినయం తోడవడంతో ఈ సినిమా వసూళ్లు రాబోయే రోజుల్లో మరింత పెరిగే అవకాశం ఉందని మార్కెట్ వర్గాలు అంటున్నాయి.ఇక ఈ సినిమా ప్రపంచవ్యాప్తంగా తొలిరోజు సాధించిన వసూళ్ల వివరాలు ఏరియాల వారీగా ఈ విధంగా ఉన్నాయి.
నైజాం – 1.08 కోట్లు
సీడెడ్ – 72 లక్షలు
ఉత్తరాంధ్ర – 54 లక్షలు
తూర్పు – 44 లక్షలు
పశ్చిమ – 27 లక్షలు
కృష్ణ – 23.10 లక్షలు
గుంటూరు – 65 లక్షలు
నెల్లూరు – 14 లక్షలు
టోటల్ ఏపీ+తెలంగాణ – రూ.4.07 కోట్లు షేర్
కర్ణాటక + రెస్టాఫ్ ఇండియా – 10 లక్షలు
ఓవర్సీస్ – 12 లక్షలు
టోటల్ వరల్డ్‌వైడ్ కలెక్షన్లు – రూ.4.29కోట్లు
.
