దర్శకేంద్రుడు రాఘవేంద్ర రావు పర్యవేక్షణలో గౌరీ రోనంకి డైరెక్షన్ లో రోషన్ హీరోగా తెలుగు అమ్మాయి శ్రీలీల హీరోయిన్ గా తెరకెక్కిన సినిమా ‘పెళ్లి సందD‘.ఈ సినిమా ఇటీవలే భారీ అంచనాల నడుమ రిలీజ్ అయ్యి ప్లాప్ టాక్ దక్కించుకుంది.
అయితే ఈ సినిమా ఆశించిన స్థాయిలో విజయం అందుకోక పోయిన ఈ సినిమాలో చేసిన శ్రీలీల కు మాత్రం మంచి గుర్తింపు లభించింది.
ఈమెకు వరుస సినిమా ఆఫర్స్ వస్తున్నాయి.
దీంతో ఈ అమ్మడి ఫ్యూచర్ మరొక రేంజ్ లోకి వెళ్లబోతుందని అంతా భావిస్తున్నారు.ఇప్పటికే శ్రీలీల మాస్ రాజా రవితేజకు జోడిగా త్రినాధరావు నక్కిన దర్శకత్వంలో తెరకెక్కుతున్న సినిమాలో ఈ ముద్దుగుమ్మ నే కన్ఫర్మ్ చేసుకున్నట్టు వార్తలు వస్తున్నాయి.
దీంతో పాటు మరొక మెగా హీరో సినిమాలో కూడా అవకాశం ఇటీవల ప్రచారం జరిగింది.
ఈ సినిమా వచ్చే ఏడాది సెట్స్ మీదకు కూడా వెళ్లనుంది అని కూడా వార్తలు వచ్చాయి.అయితే మెగా హీరోల్లో ఎవరు ఈ భామకు అవకాశం ఇచ్చారు అనేది ఇంకా తెలియలేదు.ఇక ఈ రూమర్స్ వినిపిస్తుండగానే మరొక రూమర్ కూడా ఇప్పుడు సోషల్ మీడియాలో వైరల్ అయ్యింది.
ఈ అమ్మడికి మరొక బిగ్ ప్రాజెక్ట్ లో కూడా అవకాశం వచ్చిందనే ఊహాగానాలు వినిపిస్తున్నాయి.
పెళ్లి సందD సినిమా ప్లాప్ అయినా కూడా ఈమె అందం, అభినయం అందరిని ఆకట్టుకున్నాయి.దీంతో స్టార్ హీరోలు సైతం ఈ బ్యూటీ కి అవకాశం ఇవ్వాలని అనుకుంటున్నారట.అందులో భాగంగానే ఇప్పుడు ఎన్టీఆర్ హీరోగా కొరటాల శివ దర్శకత్వంలో తెరకెక్కుతున్న సినిమా కోసం ఈ బ్యూటీ ని పరిశీలిస్తున్నట్టు టాక్.
ఇప్పటికే ఈ సినిమాలో బాలీవుడ్ బ్యూటీ ల పేర్లు వినిపిస్తున్నాయి.కానీ ఒక్కరిని కూడా కన్ఫర్మ్ చెయ్యలేదు.కోట్లు ఖర్చుపెట్టి బాలీవుడ్ ముద్దుగుమ్మలను తీసుకునే బదులు కోటి లోపు పారితోషికం తీసుకునే శ్రీలీల అయితే బాగుంటుందని మేకర్స్ భావిస్తున్నారట.మరి ఈ విషయంలో తుది నిర్ణయం ఎన్టీఆర్ నే తీసుకోవలసి ఉంటుంది.
చూడాలి ఈ బ్యూటీని ఈ సినిమాలో తీసుకుంటారో లేదో.