హెచ్ -1 బీ వీసా దారులు గత కొంతకాలంగా పడుతున్న టెన్షన్ కి నేటితో తెర పడింది.వచ్చే ఏడాది వరకూ కూడా హెచ్ -4 వీసాల పై నిషేధం విధించబోమని అమెరికా డిపార్ట్మెంట్ ఆఫ్ హోమ్ ల్యాండ్ విభాగం తెలిపింది.
ఈ తాజా నిర్ణయంతో భారతీయులకు సంతోషం వ్యక్తం చేస్తున్నారు.ఎందుకంటే అమెరికాలో హెచ్ -4 వీసా ఉపయోగించి అత్యధికంగా తమ జీవిత భాగస్వాములని అమెరికా తీసుకు వెళ్ళింది భారతీయులే.
2015 లో అప్పటి అధ్యక్షుడు ఒబామా హెచ్ – 1 బీ వీసా దారుల పిల్లలు, జీవిత భాగస్వాములు అమెరికాలోకి ప్రవేశించేలా హెచ్ -4 వీసా ప్రవేశపెట్టారు.దాంతో చాలా మంది జీవిత భాగస్వాములు వివిధ కంపెనీలలో ఉద్యోగాలు చేసుకుంటున్నారు.
ఈ వీసాల జారీ కారణంగా అమెరికాలోని స్థానిక ప్రజల నిరుద్యోగంతో ఇబ్బందులు పడుతున్నారని అందుకే ట్రంప్ ఈ వీసాలని ఎత్తి వేయాలని అనుకున్నారు.
అయితే తాజాగా హోమ్ ల్యాండ్ తీసుకున్న నిర్ణయంతో హెచ్ -4 వీసా ఎత్తి వేసే అవకాశం ఇప్పటిలో లేదు కాబట్టి హెచ్ -1 బీ వేసా దారులు ఊపిరి పీల్చుకుంటున్నారు.అయితే ఈ రద్దు నిర్ణయాన్ని పూర్తిగా రద్దు చేసేలా చేయాలని భారత ఎన్నారైలు అభ్యర్దిస్తున్నారు.ఏది ఏమైనా ఈ తాజా నిర్ణయం భారతీయులకి పెద్ద ఊరట ఇచ్చిందనే చెప్పాలి.
తెలుగు NRI వార్త విశేషాలు సులభముగా తెలుసుకోండి!!!!
