సోషల్ మీడియా నే తమ బలం అంటున్న జనసైనికులు !

తన వారాహి యాత్ర( Varahi Yatra )తో రాష్ట్ర రాజకీయాల్లో వేగం పెంచేసిన పవన్( Pawan kalyan ) జనసేనకు రాజ్యాధికారం సాధించే దిశగా ముందుకు కదులుతున్నారు.

ఏ ఒక్క సామాజిక వర్గం కోసమో తాను పనిచేయట్లేదు అని చెప్పిన పవన్, వెనుకబడిన కులాలన్నింటికీ రాజ్యాధికారందక్కాలని ఆ దిశగా వారందరూ సంఘటితంగా కలిసి రావాలని పిలుపునిచ్చారు.

ఎంతసేపు రాజ్యాధికారంలో వాటా ఆ రెండు కులాల దేనా? అంటూ ఆయన సూటిగా ప్రశ్నించడం గమనార్హం.ఇది అధికార వైసిపి తో పాటు తెలుగుదేశం పార్టీని ఓన్ చేసుకున్న ఒక సామాజిక వర్గానికి కూడా కొంత ఇబ్బందికరంగా మారే ప్రశ్ననే చెప్పవచ్చు.

పవన్ ఎప్పుడైతే వెనకబడిన వర్గాలకు రాజ్యాధికారం అంటూ మాట్లాడటం మొదలుపెట్టారో ఆంధ్రప్రదేశ్లోని మెజారిటీ మీడియా ఆయన వార్తలకు ప్రచారం ఇవ్వటం మానేసింది .