దానితో టచ్ లో ఉండటం వల్ల...అసలు "టచ్" మిస్ అవుతున్నారు చాలా మంది.! మరి మీరు?       2018-06-13   03:06:50  IST  Raghu V

సోషల్ మీడియా…మనకు తెలియకుండానే మన జీవితంలో అత్యధిక పాత్ర పోషిస్తుంది. ఉదయం లేవగానే వాట్సాప్ లో గుడ్ మార్నింగ్ మెసేజ్ తో మొదలుపెట్టి, రాత్రి పడుకునేటప్పుడు ఫేస్బుక్ లో గుడ్ నైట్ పోస్ట్ తో డే ముగిస్తున్నాము. దూరంగా ఉండేవాళ్ళని దగ్గర చూపిస్తుంది సోషల్ మీడియా. కానీ దగ్గరి వాళ్ళని దూరం చేస్తుంది. సోషల్ మీడియా కి అడిక్ట్ అయ్యి, మన వాళ్ళతో మనం మాట్లాడుకోవడం మానేసాము.

అందర్నీ కలవడం కుదరడం లేదు కాబట్టి సోషల్ మీడియాతో టచ్‌లో ఉంటున్నామని ఫీలవుతున్నారా..? టచ్‌లో ఉంటున్న మాట నిజమే కానీ మీరు అసలు ‘టచ్’ను మిస్సవుతున్నారు. ఇది మేం చెబుతోంది కాదు. ఎంతో అనుభవం ఉన్న 90 ఏళ్ల సెక్స్ థెరపిస్ట్ డాక్టర్ రుత్ వెస్థీమెర్ చెబుతున్న మాటలివి.

సోషల్ మీడియా నేటి తరం రొమాంటిక్ రిలేషన్‌షిప్‌పై ప్రభావం చూపుతోందని డాక్టర్ రుత్ చెబుతున్నారు. పక్కనున్న వ్యక్తితో కలవకపోవడం, ఫోన్‌తోనే బిజీగా ఉండటం వల్ల ఒంటరిగా మిగులుతున్నారని ఆమె ఆవేదన వ్యక్తం చేస్తున్నారు. డిజిటల్ ప్రపంచం పుణ్యామని మనుషుల సామాజిక నైపుణ్యాలు దెబ్బతింటున్నాయని ఆమె వాపోయారు.

‘ఎదుటి వ్యక్తితో మాట్లాడే కళను నేటి తరం కోల్పోతోంది. నిత్యం ఫోన్లతో బిజీగా ఉంటున్నారు. రెస్టారెంట్‌కు జంటగా వెళ్లినప్పుడు కూడా పార్టనర్‌తో సరదాగా గడపాల్సింది పోయి ఫోన్లతో గడిపేస్తున్నారు. ఇది రిలేషన్‌షిప్స్‌లో అతిపెద్ద సమస్య. కాబట్టి సాధ్యమైనంత తక్కువ సమయం ఇంటర్నెట్‌తో వాడండ’ని ఆమె సూచిస్తున్నారు. ఇలా ఒంటరిగా గడపడం వల్ల మానసిక సమస్యల బారిన పడే ముప్పు ఎక్కువగా ఉందని తాజా అధ్యయనంలో వెల్లడైంది.