పవర్ స్టార్ పవన్ కళ్యాణ్ ప్రస్తుతం సినిమాల్లోకి రీఎంట్రీ ఇస్తూ వరుసగా సినిమాలను క్యూలో పెడుతున్న సంగతి తెలిసిందే.ఇప్పటికే వకీల్ సాబ్ చిత్రాన్ని శరవేగంగా పూర్తి చేస్తున్న పవన్, ఈ సినిమాను వీలైనంత త్వరగా రిలీజ్ చేసేందుకు రెడీ అవుతున్నాడు.
కాగా తన నెక్ట్స్ మూవీని కూడా పవన్ ఇప్పటికే ప్రారంభించాడు.స్టార్ డైరెక్టర్ క్రిష్ దర్శకత్వంలో తెరకెక్కనున్న ఈ సినిమా రెగ్యులర్ షూటింగ్‌ను అతి త్వరలో మొదలుపెట్టేందుకు చిత్ర యూనిట్ రెడీ అవుతోంది.
విరూపాక్ష అనే టైటిల్‌తో తెరకెక్కనున్న ఈ సినిమాలో పవన్ రాబిన్‌హుడ్ తరహా పాత్రలో నటించనున్నాడు.ఇక ఈ సినిమాలో పవన్‌తో పాటు మరో యంగ్ హీరో కూడా నటిస్తున్నట్లు తెలుస్తోంది.
తమిళ యంగ్ హీరో శివకార్తికేయన్ ఈ సినిమాలో ఓ కీలక పాత్రలో నటిస్తున్నాడట.తమిళంలో తనకంటూ మంచి గుర్తింపు తెచ్చుకున్న ఈ హీరో, తెలుగులో రెమో సినిమాతో మంచి గుర్తింపు దక్కించుకున్నాడు.
మరి పవన్ లాంటి స్టార్ హీరో సినిమాలో అవకాశం అంటే నిజంగా అదృష్టమనే చెప్పాలి.
మరి ఈ సినిమాలో శివకార్తికేయన్ ఎలాంటి పాత్రలో నటిస్తున్నాడు.
ఈ సినిమాలో పవన్ సరసన హీరోయిన్ ఎవరనే విషయం ఇంకా తెలియాల్సి ఉంది.
