ప్రజా గాయకుడు గద్దర్ తెలంగాణ ఉద్యమం తో పాటు అనేక ఉద్యమాల్లో పాల్గొన్న చరిత్ర ఉంది.ఎంతో మందిని తమ పాటలతో ఉత్సాహపరిచి ఉద్యమాలకు ఊపిరి పోసిన ఘనత ఆయనకే దక్కుతుంది.
ఇక చాలాకాలంగా గద్దర్ సైలెంట్ గా ఉంటూ వస్తున్నారు.అయితే అకస్మాత్తుగా ఆయన తనకు ఉద్యోగం కావాలంటూ తెలంగాణ సాంస్కృతిక సారధికి దరఖాస్తు చేసుకోవడం సంచలనంగా మారింది.
తనకు ప్రస్తుతం 73 సంవత్సరాలని, తనకు ఏ విధమైన సర్టిఫికెట్లు లేవని అయినా తనకు ఉద్యోగం ఇవ్వాలంటూ ఆయన కోరారు.
ఈ మేరకు సాంస్కృతిక సారథి నియామక కమిటీ సభ్యుడు శివ కుమార్ను కలిసి గద్దర్ దరఖాస్తును అందజేశారు.
దీనిపై స్పందించిన గద్దర్ ఉద్యోగానికి అప్లికేషన్ పెట్టుకున్నది నిజమేనని, కళాకారుడిగా టెంపరరీ ఉద్యోగం అడిగానని తెలిపారు.దాదాపు 5 వేల మంది కళాకారులు దరఖాస్తు చేసుకున్నారు.అందులో నేనొకడిని అంటూ వ్యాఖ్యానించారు.