సింగర్ గా కంటే సమంతకి డబ్బింగ్ చెప్పడం ద్వారా తెలుగులో భాగా గుర్తింపు తెచ్చుకున్న సౌత్ ఇండియా సింగర్ చిన్మయి గురించి ప్రత్యేకంగా పరిచయం చేయాల్సిన అవసరం లేదు.ఎప్పుడు సోషల్ మీడియాలో యాక్టివ్ గా ఉండే సింగర్ చిన్మయి ఆ మధ్య తమిళ చిత్రపరిశ్రమలో ఒక ప్రముఖ పాటల రచయిత మీద కాస్టింగ్ కౌచ్ ఆరోపణలు చేసి ఒక్కసారిగా సంచలనంగా మారింది.
ఆ తరువాత ఇండస్ట్రీలో లైంగిక వేధింపుల గురించి తరుచుగా తన గొంతు వినిపిస్తుంది.అలాగే ఎక్కువగా ఆడవాళ్ళ హక్కుల గురించి మాట్లాడుతూ ఉంటుంది.
దీంతో పాటు ఈ మధ్య కాలంలో సినిమాలలో సీనియర్ హీరోల రొమాన్స్ గురించి కూడా కాస్తా అపహాస్యం చేసే విధంగా వాఖ్యలు చేసింది.ఇలా తరుచుగా ఏదో ఒక వ్యాఖ్యలతో సోషల్ మీడియాలో సంచలనంగా మారుతూ ఉంటుంది.
ఈమెకి సింగర్ గా, డబ్బింగ్ కళాకారినికిగా వచ్చిన గుర్తింపు కంటే ఈ వివాదాలతో మరింత ఎక్కువ గుర్తింపు వచ్చింది.ఇదిలా ఉంటే మరోసారి తెలుగు వాళ్ళు మీద ఈ భామ నోరుపారేసుకుంది.
తనకి సోషల్ మీడియాలో తనని తెలుగు ప్రేక్షకులు, నెటిజన్లు ఎక్కువగా బూతులు తిడుతూ ఉంటారని, కనీసం మర్యాద లేని పదాలు ఉపయోగించి బూతులతో కామెంట్లు పెడుతూ ఉంటారని వాఖ్యలు చేసింది.ఫ్యాన్స్ వార్ పేరుతో కొందరు శృతి మించి ఇలాంటి మాటలు మాట్లాడుతూ ఉంటారని, వారికి అలా బూతులు మాట్లాడటం అలావటైపోయింది అని అన్నది.
అయితే ఇలా అంటున్నారని ఏడుస్తూ కూర్చునే వ్యక్తిని తను కాదని, కచ్చితంగా నన్ను బాధిస్తే యాక్షన్ సీరియస్ గా ఉంటుందని చెప్పడం విశేషం.