బిగ్ బాస్ షో అనేది దేశ వ్యాప్తంగా అన్ని భాషల్లో విపరీతంగా ప్రేక్షకాదరణ సొంతం చేసుకుంది.మొదటగా బాలీవుడ్ లో ఈ షో ను ప్రయోగత్మకంగా పరిశీలించడం కోసం మొదటి సీజన్ ను ప్రారంభించారు.
అయితే మొదటి షో కే అద్భుతమైన రెస్పాన్స్ రావడంతో ఇక తరువాత మిగతా భాషలైన తమిళం, తెలుగు, కన్నడ, మలయాళ భాషలలో ఈ షో ప్రసారమవుతోంది.ఈ షో ప్రత్యేకత ఏమనగా ఇండస్ట్రీలో ఉండే సూపర్ స్టార్ ఈ షోకు వ్యాఖ్యతగా ఉండడం ఒక కారణమైతే, తమ అభిమాన సెలబ్రెటీల వ్యక్తిగత జీవితాన్ని వీక్షించే అవకాశం ఉండడంతో ఒకే దెబ్బకు రెండు పిట్టలు అన్నట్లుగా బిగ్ బాస్ కు ఒక విధంగా వ్యసనమైపోయారంటే ఎంతగా బిగ్ బాస్ ప్రజల్లోకి వెళ్లిందో మనం అర్థం చేసుకోవచ్చు.
అయితే తమిళ బిగ్ బాస్ పై ఓ వార్త నెట్టింట్లో చక్కర్లు కొడుతోంది.తమిళ బిగ్ బాస్ ను కమలహాసన్ హోస్ట్ చేస్తారనే విషయం మనకు తెలిసిందే.
అయితే ఇప్పుడు తాను ఎన్నికల ప్రచారంలో బిజీగా ఉన్న పరిస్థితులలోఅదే విధంగా బిగ్ బాస్ యాజమాన్యం కూడా తమిళ బిగ్ బాస్ టెలికాస్ట్ కు ప్రయత్నాలు ప్రారంభిస్తున్న తరుణంలో కమల్ హాసన్ అందుబాటులో లేకపోవడంతో తమిళ మాస్ హీరో శింభును బిగ్ బాస్ హోస్ట్ గా కొనసాగించాలని బిగ్ బాస్ యాజమాన్యం భావిస్తున్నట్లు సమాచారం.ఈ వార్తల్లో ఉన్న నిజం ఎంతో తెలియాలంటే మనం మరికొద్ది రోజులు ఆగాల్సిందే.