టాలీవుడ్ యూత్ స్టార్ నితిన్ వరుస సినిమాలు చేస్తూ ఫుల్ జోష్ లో ఉన్నాడు.ప్రెసెంట్ నితిన్ మాస్ట్రో సినిమా చేస్తున్నాడు.
ఈ సినిమాలో తమన్నా నెగిటివ్ షేడ్స్ ఉన్న పాత్రలో నటిస్తుంటే నభా నటేష్ నితిన్ కు జోడీగా నటిస్తుంది.ఈ సినిమా బాలీవుడ్ లో హిట్ అయిన ‘అంధాదున్’ సినిమాకు రీమేక్ గా తెరకెక్కుతుంది.
ఇక ఈ సినిమా ఇప్పటికే షూటింగ్ పూర్తి చేసుకుని విడుదలకు సిద్ధంగా ఉంది.
సెప్టెంబర్ 17న ఈ సినిమా డిస్నీ ప్లస్ హాట్ స్టార్ లో విడుదల అవుతున్న నేపథ్యంలో ఈ సినిమా ప్రమోషన్స్ ను చిత్ర యూనిట్ వేగంగా చేస్తుంది.
ఈ సినిమాను ప్రజలకు రీచ్ అయ్యేలా చేయాలనీ ఎప్పటికప్పుడు కొత్త అప్డేట్ లతో ప్రేక్షకుల ముందుకు వస్తుంది.తాజాగా మాస్ట్రో నుండి ప్రొమోషన్ సాంగ్ ప్రోమో ను విడుదల చేసింది చిత్ర యూనిట్.
‘షురూ కరో’ అంటూ మాస్ట్రో టీమ్ ఈ ప్రమోషనల్ సాంగ్ ను విడుదల చేసింది.”మాస్ట్రో మాస్ట్రో ఐ యామ్ మాస్ట్రో”.అంటూ సాగె ఈ ప్రోమో ప్రేక్షకులను బాగా ఆకట్టుకుంటుంది.
ఇక ఈ పాటలో ఇద్దరు కలర్ ఫుల్ భామలు తమన్నా, నభా నటేష్ తో నితిన్ మంచి స్టెప్పులు వేస్తూ కనిపించాడు.ఇక ఈ సెట్ కూడా ఎంతో కలర్ ఫుల్ గా కనిపిస్తుంది.అంతేకాదు శేఖర్ మాస్టర్ కొరియోగ్రఫీ ఈ పాటకు ప్రధాన ఆకర్షణగా నిలిచింది.
ఇక ఈ సాంగ్ పూర్తి పాటను సెప్టెంబర్ 12 ఆదివారం 5.04 గంటలకు విడుదల చేయనున్నారు.ఈ పాటకు మహతి స్వర సాగర్ సంగీతం అందించారు.ఇది ఇలా ఉంటే ఈ సినిమాను రాజ్ కుమార్ సమర్పణలో శ్రేష్ఠ మూవీస్ బ్యానర్ పై ఎన్ సుధాకర్ రెడ్డి, నిఖిత రెడ్డిలు నిర్మిస్తున్నారు.
క్రైం త్రిల్లర్ గా తెరకెక్కుతున్న ఈ సినిమాను మన తెలుగు ప్రేక్షకులు ఎలా రిసీవ్ చేసుకుంటారో వేచి చూడాలి.