వీలు చిక్కినప్పుడల్లా సోషల్ మీడియాలో యాక్టివ్ గా ఉండడానికి నటీనటులు ప్రయత్నిస్తూనే ఉంటారు.అభిమానులు కూడా తమ అభిమాన తారను ఓ ప్రశ్న అడగలనో, సందేహం నివృత్తి చేసుకోవాలనే ఆశతో తహతహలాడుతుంటారు.
కాని ఆ అదృష్టం కొద్ది మందికే దక్కుతుంది.ఇక ఆ స్టార్ తో మాట్లాడగలిగే అవకాశం వస్తే మనోళ్లు ఊరుకుంటారా ఇక లోపల తొలుస్తున్న ప్రశ్నను అడగాలనే అభిమానులు ప్రయత్నం చేస్తారు.
ఇలాంటి అనుభవాలు సెలెబ్రెటీలకు కొత్త కాదు.కాని కొంత మంది అభిమానుల అత్యుత్సాహం వల్ల సెలెబ్రెటీలు చిక్కుల్లో పడతారు.
అయితే శృతి హాసన్ అభిమాని అడిగిన దానికి అంతే వింతైన సమాధానమిచ్చి నెటిజన్ల మనసు దోచుకుంది నటి శృతి హాసన్… లైవ్ చాట్ లోకి వచ్చిన శృతిహాసన్ ను మీ వాట్సాప్ నంబర్ ఇవ్వండి అని సదరు అభిమాని శృతి హాసన్ ను అడగడంతో, శృతి హాసన్ ఇదే తన వాట్సాప్ నంబర్ అంటూ 100 పోలీసులు నంబర్ పంపింది.ఇక ఈ ఘటనతో నెట్టింట్లో ఈ వార్త వైరల్ గా మారింది.
కొంత మంది నెటిజన్లు సరైన సమాధానమిచ్చావంటూ శృతిహాసన్ ను ప్రశంసల్లో ముంచెత్తుతున్నారు.ఈ లైవ్ చాట్ లో భాగంగా ప్రజలందరూ కరోనా పట్ల చాలా జాగ్రత్తగా వ్యవహరించాలని, కరోనా నిబంధనలు తప్పక పాటించాలని పేర్కొంది.
