ద్రౌపది వేశంలో శ్రియ.. ఎన్టీఆర్‌ లో స్టార్స్‌ ఇంకా ఎందరో!   Shrira Sharan In NTR Biopic As A Droupadi     2018-11-14   11:12:30  IST  Ramesh P

నందమూరి తారక రామారావు జీవిత చరిత్ర ఆధారంగా రూపొందుతున్న భారీ బడ్జెట్‌ చిత్రం ‘ఎన్టీఆర్‌’. క్రిష్‌ దర్శకత్వంలో బాలకృష్ణ ప్రధాన పాత్రలో రూపొందుతున్న ఈ చిత్రంలో ఎంతో మంది స్టార్‌ నటీనటులు కనిపించబోతున్న నేపథ్యంలో అంచనాలు భారీగా పెరిగి పోయాయి. బసవతారకం పాత్రలో విద్యాబాలన్‌ నటించగా ఇతర పాత్రల్లో రానా, కళ్యాణ్‌ రామ్‌, నిత్యామీనన్‌, రకుల్‌ ప్రీత్‌ సింగ్‌ ఇంకా పలువురు కనిపించబోతున్నారు. రెండు పార్ట్‌లుగా తెరకెక్కుతున్న ఈ చిత్రంలో ఎన్టీఆర్‌ జీవితాన్ని ఆవిష్కరించేందుకు ఏర్పాట్లు చేస్తున్నారు.

‘ఎన్టీఆర్‌’ రెండు పార్ట్‌ల్లో ‘ఎన్టీఆర్‌ కథానాయకుడు’ చిత్రంపై ఎక్కువ ఆశక్తిని సినీ వర్గాల వారు వ్యక్తం చేస్తున్నారు. తప్పకుండా ఈ చిత్రం మంచి కంటెంట్‌ ను కలిగి ఉంటుందని చిత్ర యూనిట్‌ సభ్యులు చెబుతున్నారు. ఎన్టీఆర్‌ సినీ కెరీర్‌లో ఎన్నో అద్బుతమైన సినిమాలు ఉన్నాయి. ఆ సినిమాలకు సంబంధించిన మేకింగ్‌ విశేషాలను కొన్నింటిని ఈ చిత్రంలో క్రిష్‌ చూపించబోతున్నాడు. అందులో భాగంగానే ఎన్టీఆర్‌ చేసిన ‘దాన వీర శూర కర్ణ’ చిత్రంకు సంబంధించిన చిత్రీకరణ కూడా ఉండబోతుంది. భారీ ఎత్తున అంచనాలున్న ఈ చిత్రంలో శ్రియ కనిపించబోతుంది.

Shrira Sharan In NTR Biopic As A Droupadi-Krish Vanisree Vidhjyabalan

దాన వీర శూర కర్ణ చిత్రం షూటింగ్‌ సమయంలో ద్రౌపదిగా శ్రియ కనిపించబోతున్నట్లుగా సమాచారం అందుతుంది. శ్రియ వరుసగా బాలయ్య చిత్రాల్లో నటిస్తూ వస్తుంది. తాజాగా ఈ చిత్రంలో కూడా ఆమెకు ఛాన్స్‌ దక్కింది. ఇక దానవీర శూరకర్ణ చిత్రం షూటింగ్‌ లో కళ్యాణ్‌ రామ్‌ అర్జునుడిగా కనిపించబోతున్నాడు. అప్పట్లో హరికృష్ణ అర్జునుడి పాత్రలో నటించి మెప్పించాడు. ఇప్పుడు అర్జునుడి పాత్రను కళ్యాణ్‌ రామ్‌ పోషించబోతున్నాడు. ఈ చిత్రంలో జూనియర్‌ ఎన్టీఆర్‌ వాయిస్‌ ఓవర్‌ ఉంటుందని సినీ వర్గాల్లో టాక్‌ వినిపిస్తుంది. మరి అది ఎంత వరకు నిజమో తెలియాల్సి ఉంది. సంక్రాంతికి మొదటి పార్ట్‌, రెండవ పార్ట్‌ రిపబ్లిక్‌ డేకు విడుదల కాబోతుంది.

ప్రకటన : తెలుగుస్టాప్ వెబ్ సైట్ లో పని చేయుట కొరకు అనుభవజ్ఞులైన తెలుగు కంటెంట్ రచయితలు,రాజకీయ విశ్లేషకులు,సోషల్ మీడియా ఫొటోస్/వీడియోస్ అడ్మిన్స్,వీడియో ఎడిటర్,వీడియో మేకర్స్,లైవ్ రిపోర్టర్ లు కావలెను..మీ వివరాలను telugustop@gmail.com కు మెయిల్ చేయగలరు.