ఆకట్టుకుంటున్న షూటౌట్ అట్ ఆలేర్ ట్రైలర్

నిజజీవితంలో జరిగిన ఘటనలను ఆధారంగా చేసుకుని టాలీవుడ్‌లో వచ్చిన సినిమాలకు ప్రేక్షకులు ఎప్పుడూ కనెక్ట్ అవుతుంటారు.తాజాగా ఇలాంటి కోవలోనే వస్తున్న వెబ్ సిరీస్ ‘షూటౌట్ అట్ ఆలేర్’.

 Shootout At Alair Trailer Impressive, Shootout At Alair, Sushmita Konidela, Srik-TeluguStop.com

వాస్తవంగా జరిగిన కొన్ని ఘటనల ఆధారంగా ఈ సిరీస్‌ను తెరకెక్కిస్తున్నారు చిత్ర యూనిట్.కాగా ఓటీటీ ప్లాట్‌ఫాంలో రాబోతున్న ఈ వెబ్ సిరీస్‌ను మెగాస్టార్ చిరంజీవి పెద్దకూతురు సుష్మిత కొణిదెల ప్రొడ్యూస్ చేస్తుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.

కాగా ఈ వెబ్ సిరీస్‌లో శ్రీకాంత్, ప్రకాష్ రాజ్ వంటి స్టార్స్ నటిస్తుండటంతో ఈ సినిమాపై సినీ వర్గాల్లో సైతం మంచి బజ్ ఏర్పడింది.

అయితే తాజాగా ఈ వెబ్ సిరీస్‌కు సంబంధించిన ట్రైలర్‌ను చిత్ర యూనిట్ రిలీజ్ చేసింది.ఈ ట్రైలర్ చూస్తుంటే ఇది పక్కా క్రైమ్ థ్రిల్లర్‌గా రాబోతున్నట్లు కనిపిస్తుంది.2015 ఏప్రిల్ 7న ఆలేరులో జరిగిన వికారుద్దీన్ ఎన్‌కౌంటర్ నేపథ్యం ఆధారంగా ఈ వెబ్ సిరీస్‌ను తెరకెక్కించాడు దర్శకుడు ఆనంద్ రంగా.గతంలో ‘ఓయ్’ అనే సినిమాను తెరకెక్కించిన ఆయన ఈ వెబ్ సిరీస్‌ను తెరకెక్కిస్తుండటంతో ప్రేక్షకులు ఈ సిరీస్ కోసం ఆసక్తిగా చూస్తున్నారు.ఇక ఈ ట్రైలర్‌లోనే కథ పూర్తిగా తెలపడంతో ఈ సిరీస్‌పై ఆసక్తిని మరింత పెంచేశాడు దర్శకుడు.

ఇక ఈ వెబ్ సిరీస్‌ను ప్రముఖ ఓటీటీ ప్లాట్‌ఫాం జీ5లో 8 ఎపిసోడ్స్‌గా స్ట్రీమ్ చేయనున్నట్లు తెలుస్తోంది.

కాగా ఈ వెబ్ సిరీస్‌లో శ్రీకాంత్, ప్రకాష్ రాజ్‌లు పోలీస్ ఆఫీసర్లుగా కనిపిస్తుండగా, నందిని రాయ్, నిహారికా ఇతర ముఖ్య పాత్రల్లో కనిపిస్తున్నారు.

అయితే ఈ వెబ్ సిరీస్‌లో మెగాస్టార్ చిరంజీవి ఓ కేమియో పాత్రలో కనిపిస్తారనే టాక్ ఇప్పటికే ఇండస్ట్రీ వర్గాల్లో జోరుగా వినిపిస్తోంది.మరి మెగాస్టార్ కూతురు సుష్మిత నిర్మాతగా మారి చేస్తున్న తొలి ప్రయత్నం ఆమెకు ఎలాంటి విజయాన్ని అందిస్తుందో తెలియాలంటే ఈ వెబ్ సిరీస్ స్ట్రీమింగ్ అయ్యే వరకు ఆగాల్సిందే.

ఇక క్రిస్మస్ కానుకగా ఈ వెబ్ సిరీస్‌ను డిసెంబర్ 25న ప్రీమియర్ స్ట్రీమ్ చేయనున్నట్లు జీ5 వెల్లడించింది.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube