వికలాంగుడిగా మారిన శర్వానంద్.. ఎందుకంటే?

టాలీవుడ్ యంగ్ హీరో శర్వానంద్ నటించిన రీసెంట్ మూవీ ‘జాను’ బాక్సాఫీస్ వద్ద భారీ అంచనాల నడుమ రిలీజ్ అయ్యింది.ఇక ఈ సినిమాలో స్టార్ బ్యూటీ సమంత కూడా నటిస్తుండటంతో ఈ సినిమా ఎలాంటి విజయాన్ని అందుకుంటుందా అని అందరూ ఆసక్తిగా చూశారు.

 Sharwanand To Play Handicapped For Next, Sharwanand, Ajay Bhupati, Handicapped,-TeluguStop.com

కానీ ఈ సినిమా రిలీజ్ అయ్యి బాక్సాఫీస్ వద్ద బొక్కబోర్లా పడింది.దీంతో శర్వానంద్ పెట్టుకున్న నమ్మకాలు అన్ని కూడా ఆవిరై పోయాయి.

ఇప్పుడు తన నెక్ట్స్ చిత్రాలతో ఎలాగైనా హిట్ కొట్టాలని చూస్తున్నాడు ఈ హీరో.

కాగా ఇప్పటికే శ్రీకారం అనే సినిమాను తెరకెక్కిస్తున్న శర్వానంద్, ఆ తరువాత మరో సినిమాను ఆర్ఎక్స్ 100 దర్శకుడు అజయ్ భూపతి డైరెక్షన్‌లో తెరకెక్కించేందుకు రెడీ అయ్యాడు.

‘మహాసముద్రం’ అనే టైటిల్‌తో తెరకెక్కనున్న ఈ సినిమాలో శర్వానంద్ పూర్తి మాస్ లు‌క్‌లో కనపించనున్నట్లు తెలుస్తోంది.దీంతో పాటు ప్రకాష్ అనే ఓ కొత్త డైరెక్టర్ తెరకెక్కించే చిత్రంలో శర్వా ఓ ఛాలెంజింగ్ రోల్‌లో నటించనున్నట్లు తెలుస్తోంది.

ఈ సినిమాలో ఓ వికలాంగుడి పాత్రలో శర్వానంద్ నటిస్తున్నాడని చిత్ర యూనిట్ పేర్కొంది.దర్శకుడు ప్రకాష్ చెప్పిన కథ శర్వాకు బాగా నచ్చడంతో ఈ వికలాంగుడి పాత్రలో నటించేందుకు రెడీ అయినట్లు తెలుస్తోంది.

ఇక ఈ సినిమాలో శర్వా యాక్టింగ్ మరో లెవెల్‌లో ఉంటుందని, ఆయన కెరీర్‌లోనే ఇది బెస్ట్ చిత్రంగా నిలుస్తుందని చిత్ర వర్గాలు అంటున్నాయి.ఏదేమైనా ఇలాంటి ఛాలెంజింగ్ పాత్రల్లో నటించాలంటే ధైర్యం ఉండాలని, శర్వానంద్ ఆ విషయంలో చాలా జాగ్రత్తగా ముందుకు వెళ్తున్నాడని పలువురు అంటున్నారు.

మరి శర్వానంద్ శ్రీకారం చిత్రంతో సక్సెస్ ట్రాక్ ఎక్కుతాడా లేక ఫ్లాప్ పరంపరను కొనసాగిస్తాడా అనేది చూడాలి.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube