వైసీపీ నుంచి రాజ్యసభకు షర్మిల, చిరంజీవి ఇంకా ?

మరో రెండు సీట్లలో ఎవరికి జగన్ అవకాశం కల్పిస్తారు అనేది ఆసక్తిగా మారింది.ఇప్పటికే వైసిపి తో సన్నిహితంగా ఉంటున్న కేంద్ర అధికార పార్టీ బీజేపీ కూడా రాజ్యసభ స్థానాల్లో తమకు అవకాశం కల్పించాల్సిందిగా కోరినట్లు సమాచారం.బీజేపీకి రాజ్యసభలో బలం చాలా అవసరం.గతంలో సురేష్ ప్రభు, నిర్మల సిత్రమం వంటి వారు టిడిపి హయాంలో రాజ్యసభకు వెళ్లారు.ఇప్పుడు కూడా ఆ విధంగానే రెండు సీట్లలో అవకాశం కల్పించాల్సిందిగా బిజెపి కోరినట్లు తెలుస్తోంది.అయితే ఇదే సమయంలో జగన్ సోదరి వైఎస్ షర్మిల ను రాజ్యసభకు పంపించాలని పార్టీ నాయకులు జగన్ ను ఒత్తిడి చేస్తున్నట్లు తెలుస్తోంది.

షర్మిలను పొలిటికల్ గా యాక్టివ్ చేయడం ద్వారా వైసీపీలో కొత్త ఉత్సాహం వస్తుందని, అదే సమయంలో ప్రతిపక్షాలను ధీటుగా విమర్శించడానికి కూడా షర్మిల ఉపయోగపడుతుందని జగన్ కూడా భావిస్తున్నట్లు తెలుస్తోంది.గతంలో ఆమె నిర్వహించిన పాదయాత్ర ,ఎన్నికల ప్రచారంలోనూ వచ్చిన రెస్పాన్స్ ప్రకారం చూసినా ఆమెకు అవకాశం ఇవ్వాలని చూస్తున్నట్లుగా ప్రచారం జరుగుతోంది.

ఇప్పటికే తనకు కూడా అవకాశం కల్పించాల్సిందిగా సుప్రీంకోర్టు విశ్రాంత న్యాయమూర్తి జస్టిస్ జాస్తి చలమేశ్వర్ కూడా జగన్ ను కోరినట్లు తెలుస్తోంది.

ఇటీవలే ఆయన జగన్ ను కలిసి విజ్ఞప్తి చేసినట్టు సమాచారం.అలాగే వైఎస్ కుటుంబానికి అత్యంత సన్నిహితులైన రాంకీ గ్రూప్స్ అధినేత అయోధ్య రామిరెడ్డి, మాజీ ఎంపీ మేకపాటి రాజమోహన్ రెడ్డి, ఇటీవల పార్టీలో చేరిన బీదా మస్తాన్ రావు వంటి వారి పేర్లు కూడా తెరపైకి వస్తున్నాయి.ఇక చాలా కాలంగా మెగాస్టార్ చిరంజీవిని కూడా రాజ్యసభ కు పంపిస్తారనే ప్రచారం కూడా పెద్ద ఎత్తున వైసీపీలో ప్రచారం జరుగుతోంది.

అయితే జగన్ ఏ విధంగా నిర్ణయం తీసుకుంటారో అనే ఆసక్తి విఏసీపీ నాయకుల్లో నెలకొంది.