కోలీవుడ్ స్టార్ డైరెక్టర్ గా ఎంతో పేరు ప్రఖ్యాతులు సంపాదించుకున్న శంకర్ సినిమా గురించి ప్రత్యేకంగా చెప్పాల్సిన పనిలేదు.ఈయన సినిమాలంటేనే గ్రాఫిక్స్ .
ఈయన గ్రాఫిక్స్ కోసమే కొన్ని కోట్లు ఖర్చు చేస్తారని,ఈయన సినిమాలో ఒక పాట కోసం పెట్టే ఖర్చు ఒక చిన్న హీరోతో సినిమా మొత్తం తీయవచ్చని చాలామంది అభిప్రాయపడుతుంటారు.ఇంత భారీ బడ్జెట్ తో సినిమా తెరకెక్కిస్తున్నారంటే ఆ చిత్రం ఏ స్థాయిలో ఉంటుందోనని ప్రేక్షకులు కూడా శంకర్ సినిమాలపై భారీ అంచనాలు పెట్టుకొని ఉంటారు.
తాజాగా డైరెక్టర్ శంకర్ టాలీవుడ్ హీరో మెగా పవర్ స్టార్ రామ్ చరణ్ తో ఓ సినిమా చేయనున్న విషయం మనకు తెలిసిందే.ఇప్పటికే ఈ సినిమా గురించి అధికారిక ప్రకటన విడుదల చేశారు.
ఇందులో రామ్ చరణ్ సరసన కియారా అద్వానీ నటించనున్నారు .ప్రస్తుతం రామ్ చరణ్ రాజమౌళి దర్శకత్వంలో తెరకెక్కుతున్న “RRR” సినిమా పూర్తి కావడంతో శంకర్ సినిమాలో పాల్గొన్నారు.
ఈ క్రమంలోనే బుధవారం ఈ సినిమా షూటింగ్ అధికారికంగా ప్రారంభమైంది.హైదరాబాద్లో ఈ సినిమా పూజా కార్యక్రమాలు ప్రారంభం కాక, ఈ చిత్రం నుంచి ఒక పోస్టర్ ను చిత్రబృందం విడుదల చేశారు.
ఇందులో రామ్ చరణ్ తో పాటు కియారా, శంకర్,దిల్ రాజు వంటి వారు సూట్ వేసుకుని ఫైల్స్ చేత పట్టుకొని ఎంతో అఫీషియల్ లుక్ లో కనిపిస్తున్నారు.ప్రస్తుతం ఈ పోస్టర్ సోషల్ మీడియాలో వైరల్ గా మారింది.సోషల్ మీడియాలో వస్తున్న కథనాల ప్రకారం ఈ చిత్ర బృందం నుంచి విడుదల చేసిన ఈ పోస్టర్ కోసం కేవలం దర్శకుడు కోటి 73 లక్షలను ఖర్చు చేసినట్లు తెలుస్తోంది.కేవలం ఒక్క పోస్టర్ కే ఈ స్థాయిలో ఖర్చు చేస్తే సినిమా మొత్తాన్ని ఎంత బడ్జెట్ లో తెరకెక్కిస్తారన్నది ఆసక్తికరంగా మారింది.
ఇంత భారీ బడ్జెట్ తో తెరకెక్కుతున్న ఈ చిత్రం దిల్ రాజుకు ఏ విధమైనటువంటి పరిస్థితులను కల్పిస్తుందో వేచిచూడాలి.
తెలుగు వార్త విశేషాలు సులభముగా తెలుసుకోండి!!!!
