ఈ మధ్య కాలంలో కొందరు తమ కోరికలను తీర్చుకొనేందుకు గానూ ఏకంగా ప్రేమ, పెళ్లి అనే పదాలను వాడుతూ యువతులను మోసం చేస్తున్నారు.కాగా తాజాగా ఓ బడా వ్యాపార వేత్త పెళ్లి చేసుకుంటానని నమ్మించి తన కామ వాంఛలను తీర్చుకున్న తర్వాత మొహం చాటేయడంతో చివరికి చేసేదేమీ లేక యువతి తనకు న్యాయం చేయాలంటూ పోలీసులను సంప్రదించిన ఘటన దేశ ఆర్థిక రాజధాని ముంబైలో వెలుగు చూసింది.
పూర్తి వివరాల్లోకి వెళితే స్థానిక నగరంలో 25 సంవత్సరాలు కలిగిన ఓ యువతి నివాసముంటోంది. అయితే ఆమె స్వగ్రామం వేరే అయినప్పటికీ సినిమా అవకాశాల కోసం ప్రయత్నిస్తూ ముంబైలో ఉంటోంది.
ఈ క్రమంలో పలు హిందీ మరియు మరాఠీ ధారావాహికలలో చిన్న చిన్న పాత్రలలో కూడా నటించింది.అయితే ధారావాహికల షూటింగులకు హాజరవుతున్న సమయంలో ముంబైకి చెందిన ఓ ప్రముఖ వ్యాపార వేత్తతో పరిచయం ఏర్పడింది.
దీంతో వీరిద్దరూ అప్పుడప్పుడు కలిసి బయటికి వెళ్లడం మరియు భోజనాలు చేయడం వంటివి చేసేవారు.ఈ క్రమంలో వ్యాపార వేత్త సీరియల్ నటికి లవ్ ప్రపోజ్ చేశాడు.
దీంతో ఇద్దరి మధ్య ఉన్నటువంటి సాన్నిహిత్యం కారణంగా ఆమె అతడి ప్రేమని అంగీకరించింది.దీంతో పెళ్లి కాకుండానే హద్దులు దాటింది.
ఇక అప్పుడే అసలు కథ మొదలైంది.
ఈ మధ్య సీరియల్ నటి తనని పెళ్లి చేసుకోమని తన ప్రియుడిని కోరడంతో ఏదో ఒక వంక చెబుతూ పెళ్లి విషయాన్ని దాటవేస్తూ వచ్చాడు.
దీంతో తాజాగా మరోమారు నటి తన ప్రియుడిని గట్టిగా నిలదీయడంతో పెళ్లి చేసుకోలేనని చెప్పేశాడట.దీంతో మోసపోయానని గ్రహించిన సీరియల్ నటి వెంటనే దగ్గరలో ఉన్న పోలీసులను సంప్రదించి తనకు న్యాయం చేయాలని కోరింది.
అంతేకాక ఈ మధ్య కాలంలో కొందరు తమ కామ వాంఛలను తీర్చుకునేందుకు ప్రేమ పేరుతో అమ్మాయిలకి మాటలు చెబుతున్నారని కాబట్టి అలాంటి వాళ్ళతో జాగ్రత్తగా ఉండాలని తనలా ఎవరూ మోసపోవద్దని ఆవేదన వ్యక్తం చేసింది.